Read lumasaaba Tsizabuli 114 Bible Online

Tsizabuli 114 - lumasaaba bible

Tsizabuli 114

¹Nga Isiraeli ni yarura i Misiri yaatsya, lisaaye lya Yakobo nga lyarura khukhwaama mu baandu be lulimi lulukhamanyikhaane ta,

²Yuda shekela nisho shifwo shikhosefu, Isiraeli yekela nibo babaandu ba Wele.

³Wele ni eetsa aambi ni inyaantsa yoomelela, ni eetsa aambi ni luluutsi Yorudaani, lweema busa nga silutima ta.

⁴Tsingoongo ni bikiingi ni byabona Wele, khulwe khuurya khuukali, byaasuniaakila busa nga tsimoosi.

⁵Shiina kila inyaantsa yoomelela? Namwe shiina kila Yorudaani lweema busa nga silwiikha ta?

⁶Shiina kila tsingoongo ni bikiingi byarya, byaasuniaakila busa nga tsimoosi?

⁷Nga Wele isi Yakobo esaaya weetsile aambi, shibala shinikina.

⁸Nga Wele isi Yakobo esaaya ali aambi, akalusa lulwaanda khukhwikela luluutsi, naluundi luluutsi lulwiikha khukhwiikela liitibo.