Read lumasaaba Tsizabuli 12 Bible Online

Tsizabuli 12 - lumasaaba bible

Tsizabuli 12

¹O Umukasya, n'ukhuyeete, lwekhuuba mbaawo umuundu umulayi namutweela uramilewo ta; babaandu babeyikinwa baaweelewo, mbaawo namutweela ta.

²Boosi buli mutweela akanikha bye bubeeyi isi uwashe, beruuyaka babeene luundi bakanikha bibiikhalimo ta.

³O Umukasya, n'usilise kiminwa kikikanikha bye khukhwiyiinga, fuunikha kiminwa ikyo kikiibuyila nga kiloma kiri;

⁴“Lwe bilomo byeefwe khufuna byeesi khukana, kane khukanikhe byeesi khukana, naanu unyala waakhureesa ifwe?”

⁵Ne ari Umukasya aloma ari, “Ari kane ninyukhe niitse, lwekhuuba bataambi bamiinilisibwa, barusibwakho bibiindu byaabwe, abo babataambisibwa belootsa nga bali mu butsiina. Ni nase kane imbawe buyeeti bweesi bakana.”

⁶Byeesi Umukasya asuubisa bili bya ŋali, bili bikumu nga ifeetsa ingumu imalile khuuŋaŋasibwila mu mulilo khuumala kimiluundi musaafu.

⁷O Umukasya, iwe n'ukhuliinde ifwe, ukhutseete khukhwaama isi babaandu baabi be kumuboolo kuno.

⁸Babaandu baabi baasalaniile buli aandu oosi, shiibi nisho sheesi babaandu ndi baruuya.