Read lumasaaba Tsizabuli 120 Bible Online

Tsizabuli 120 - lumasaaba bible

Tsizabuli 120

¹Ise nga ndi mu mutaambo, inoomba isi Umukasya, ndi anjeete, nga inoma ndi,

²“O Umukasya, n'umbonese ise khukhwaama khu baandu babaakanikha bye bubeeyi naluundi babetsuba bibikhalimo ta.”

³Shitaambiso shiina shishibaakhila inywe babaandu babaakanikha bye bubeeyi?

⁴Kumukheemba kweenywe kwaakhiile khuuba khuubalasa inywe ni buyiingo bubwooki ni khuuboosha ni kumulilo kukwiseŋeeŋile.

⁵Kumutaambo kwase kuli busa nga umuundu umumuli umenya i Mesheki, nga umenya mu weema tsye Kedari.

⁶Ise naamalile imbuka ingali nga imenya mu baandu babaakhakana lukoosi ta.

⁷Ise mu buulamu bwase ingana lukoosi, ne uri ishikanikhakho, nibo baakhaandisa khulwekhuuba nibo sheesi bakana shili busoolo.