Read lumasaaba Tsizabuli 121 Bible Online

Tsizabuli 121 - lumasaaba bible

Tsizabuli 121

¹Ise ninyusa tsimoni tsase naalola mu ngoongo! Nereeba ndi, buyeeti bwase kane bwaame waheena?

²Buyeeti bwase kane bwaame isi Umukasya, uwabuumba likulu ni shibala.

³Umukasya niye singene akhulekhe ukwe mu bukosi taawe, umuliindi woowo niye s'akona liilo ta.

⁴Khulwekhuuba uyo utseeta Isiraeli s'awungukhila namwe s'akona liilo ta.

⁵Umukasya niye ukhuliinda iwe, niye ali aambi ni nawe khuukhutseeta.

⁶Kumuusi, inyaanga singene ikhwookhe iwe ta, ikhaba mu shilo kumweesi singene kukhukholekho buubi bwoosi ta.[6]

⁷Umukasya kane akhutseete iwe ulekhe khufunakho bihangafu byoosi ta. Kane akhubiikhe iwe bweela.

⁸Umukasya kane akhutseete iwe nga niwiitsa naluundi nga n'uutsya khukhwaama shaleelo ni biilo ni biilo.