Read lumasaaba Tsizabuli 136 Bible Online

Tsizabuli 136 - lumasaaba bible

Tsizabuli 136

¹Ruuya Umukasya khulwekhuuba ali umulayi; khuukana khweewe khukhakama ta, khuliwo biilo ni biilo.

²Wele ali uwe angaaki naabi; ba wele babaaramire sibali be angaaki ta, khuukana khweewe khukhuukhakama ta, khuliwo biilo ni biilo.

³Ruuya Umuyiinga uwe bayiinga, khuukana khweewe khukhuukhakama ta, khuliwo biilo ni biilo.

⁴Niye yenyene ukhola bibiindu biibiyaangisa, khuukana khweewe khukhuukhakama ta, khuliwo biilo ni biilo.

⁵Khulwe kamaani keewe niye uwabuumba likulu, khuukana khweewe khukhuukhakama ta, khuliwo biilo ni biilo.

⁶Niye uwabuumba shibala waashikhasa khu meetsi, khuukana khweewe khukhuukhakama ta, khuliwo biilo ni biilo.

⁷Niye uwabuumba inyaanga ni kumweesi, khuukana khweewe khukhuukhakama ta, khuliwo biilo ni biilo.

⁸Aabuumba inyaanga khumulikha kumuusi, khuukana khweewe khukhuukhakama ta, khuliwo biilo ni biilo.

⁹Waabuumba kumweesi khumulikha mu shilo, khuukana khweewe khukhuukhakama ta, khuliwo biilo ni biilo.

¹⁰Niye uwaakila buli shishasaalikha nga shiikiboole mu Misiri khuufwa, khuukana khweewe khukhuukhakama ta, khuliwo biilo ni biilo.

¹¹Niye uwamusa ba Isiraeli khukhwaama i Misiri, khuukana khweewe khukhuukhakama ta, khuliwo biilo ni biilo.

¹²Akhola shino nga okesanisa kamaani keewe kamakali, khuukana khweewe khukhuukhakama ta, khuliwo biilo ni biilo.

¹³Niye uwawukhanisamo inyaantsa Imbesemu, nga abuumbamo intsila, khuukana khweewe khukhuukhakama ta, khuliwo biilo ni biilo.

¹⁴Kila araangirira ba Isiraeli khuubiriramo, khuukana khweewe khukhuukhakama ta, khuliwo biilo ni biilo.

¹⁵Ne aafuura Faraawo umuyiinga wa Misiri, ni kameetsi kaamila liiye lyeewe, khuukana khweewe khukhuukhakama ta, khuliwo biilo ni biilo.

¹⁶Niye uwabaraangirira waababirisa mu mubiimbi, khuukana khweewe khukhuukhakama ta, khuliwo biilo ni biilo.

¹⁷Niye uwafuura bayiinga be kamaani boosi mu busoolo, khuukana khweewe khukhuukhakama ta, khuliwo biilo ni biilo.

¹⁸Waakhoonya bayiinga babaamanyikhaane, khuukana khweewe khukhuukhakama ta, khuliwo biilo ni biilo.

¹⁹Waakhoonya Sihoni, umuyiinga uwe ba Amori, khuukana khweewe khukhuukhakama ta, khuliwo biilo ni biilo.

²⁰Waakhoonya ni Ogo, umuyiinga uwe ba Bashani, khuukana khweewe khukhuukhakama ta, khuliwo biilo ni biilo.

²¹Shibala shaabwe waashiwa ba babaandu beewe, khuukana khweewe khukhuukhakama ta, khuliwo biilo ni biilo.

²²Waashiwa babaandu beewe babaamwisaaya, Isiraeli khuukana khweewe khukhuukhakama ta, khuliwo biilo ni biilo.

²³Niye uwakhuyeeta ifwe, nga isi baasiku beefwe bakhufuurira kamaani mu busoolo, khuukana khweewe khukhuukhakama ta, khuliwo biilo ni biilo.

²⁴Waakhuwonesa ifwe khukhwaama mu meeno ke baasiku beefwe, khuukana khweewe khukhuukhakama ta, khuliwo biilo ni biilo.

²⁵Niye uwa babaandu boosi biilyo, khuukana khweewe khukhuukhakama ta, khuliwo biilo ni biilo.

²⁶Ruuya Wele umenya mwikulu, khuukana khweewe khukhuukhakama ta, khuliwo biilo ni biilo.