Read lumasaaba Tsizabuli 138 Bible Online

Tsizabuli 138 - lumasaaba bible

Tsizabuli 138

¹O Umukasya, ni kumwoyo kwase kwoosi, ise ikhusiima iwe; mu moni tsye bamalayika ise niimba nga ikhuruuya iwe.

²Ise nisaayila mu Lisaayilo lyoowo Likhulu, naluundi nakhuruuya khulwe khuukana khwoowo ni khulwe bubweela bwoowo. Khulwekhuuba lisiina lyoowo ni lomo yoowo bili bye angaaki khuuminyisa buli shiindu shoosi.

³Khu shifukhu khweesi ise nakhuloombelakho, iwe waamba ise sheesi nakana, naluundi iwe wantsisyamo mu mwoyo kwase kamaani.

⁴O Umukasya, bayiinga be khu shibala boosi kane bakhuruuye iwe; khulwekhuuba bilomo byeesi iwe waloma.

⁵Naluundi kane beembe kimyeenya nga bakhuruuya iwe, O Umukasya, khulwe shiriifwa shoowo she angaaki.

⁶Khulwekhuuba ikhaba nga iwe uli angaaki efwe fweesitsana, ne iwe winaanayo khu bataambi, ne abo babeniinisa angaaki iwe ubemenielesa.

⁷Abe ikhaba nga bihangafu byaantsibotookheleele ise, ne iwe utseeta buulamu bwase khukhwaama khu baasiku baase. Iwe uraambisa kamaani koowo, waambonesa ise khukhwaama khu baasiku baase.

⁸O Umukasya, ise naamanyile ndi iwe kane wolelese sheesi waanomela ise. Khuukana khwoowo sikhwakama ta. O Umukasya, ukhakhwaantsukha ifwe ta; khuli babaandu boowo.