Read lumasaaba Tsizabuli 14 Bible Online

Tsizabuli 14 - lumasaaba bible

Tsizabuli 14

¹Babaandu baasilu mu myoyo kyaabwe baloma bari, “Wele s'aliwo ta.” Boosi baayonekha, baakholile bibyoonako bibikhakholikha ta, mbaawo namutweela ukhola biilayi ta.

²Umukasya emikha mwikulu waalola aasi khu baandu, khuubona noola iliwo babaakhola bye kamakyesi, babesaaya Wele.

³Ne boosi baaborokha, boosi khuuyilila atweela baayonekha, mbaawo namutweela ukhola biilayi ta, mbaawo akhaba namutweela ta.

⁴Umukasya areeba ari, “Mu boosi babaakhola buubi, mbaawo namutweela ulikho ni kamakyesi ta? Balumaka babaandu baase nga babaalumaka biilyo, ne nga sibaloomba isi ise ta.”

⁵Ne nibo baliba ni khuurya khuukali, lwekhuuba Wele ali atweela ni kumuboolo kwe bakwalaafu.

⁶Babaandu baabi boonakisa tsiŋoonaŋoona ts'omutaambi, ne umutaambi elukhila isi Umukasya.

⁷Ise nikoontselela ndi khali buwonesi bwa Isiraeli bwaamile mu Sayuuni! Umukasya n'alikobosawo luundi tsikhabi tse babaandu beewe, ba Isiraeli balikhoya luundi balitikitya!