Read lumasaaba Tsizabuli 141 Bible Online

Tsizabuli 141 - lumasaaba bible

Tsizabuli 141

¹O Umukasya, ise ikhukuukuula iwe; yuubakho wiitse isi ise ndi! Nga ise ndikho ikhukuukuula iwe, reka khukhuru khwoowo urekeerese likono lyase.

²Iwe n'uyile khuuloomba khwase busa nga bubaani bubuwunya buulayi, ni khukhwilootsa khwase nga isaayilo iye angoloobe.

³Iwe ba umuyeeti wase nio akile ise inyalise khukhwitsiiliilisa tsilomo tsyeesi ise inoma.

⁴Ukhaandekha ise nekoomba khuukhola bibyoonako ta; namwe naamala busa imbuka yase ni baboonaki, nga khukhola bibiindu biibi ta.

⁵Nga ise namooyanile, khayo bakhosefu bangolole. Shili busa nga kamafura ke khukhwiyakha kamalayi khu murwe kwase, khayo kumurwe kwase kukafukiilise Khulwekhuuba khuuloomba khwase busheele khuli khukhwikiitsa bikholwa bye baboonaki.

⁶Nga baboonaki beetsile khumala khuuwaambisibwa abo babaakhaabakhalile kumusaango, awo nio bashimanye bari ilomo y'Omukasya ili iya ŋali.

⁷Nga luufwa ni lubaayuukha mu liloba, kamakoombe khayo kaasame kamile kamakuumba kaabwe kakaasalanile.

⁸Ne ise noomisiile tsimoni tsyase khusiiwe, O Umukasya Wele; ise nilukhila isi iwe uli; ukhalekha buuleme bwantsolakho ta.

⁹N'untsayilise ise indekhe khuukwa mu mireko kyeesi baboonaki bandekire ise ta.

¹⁰Iwe n'unjeete ise indekhe khuwaambikha ta, nibo babeene bakwe mu mireko kyaabwe.