Read lumasaaba Tsizabuli 142 Bible Online

Tsizabuli 142 - lumasaaba bible

Tsizabuli 142

¹O Umukasya ise ninyusa likono lyase, naakuukuula isi iwe uli, ninyusa likono lyase naaloomba ndi iwe umaambile ise shiisa.

²Bibiindu biibintsiyembelesa ise byoosi imbireera isi Umukasya, bihangafu byase byoosi imbireera is'ali.

³Ise ne niwulila nga naawetsekheleele kamaani, iwe niye uwunaangirira. Khu ntsila yase isi ise ingendelakho, baabisilekho kumureko.

⁴Abe ise naakhalola ndi imbone oba naanu unyala waaba umuyeeti wase, mbaawo namutweela uwuntsinaanayo ta, mbaawo isi ise inyala nelukhilayo ta, boosi bandekhile ise seenyene.

⁵O Umukasya, ise ikhuloomba iwe nga noma ndi, iwe niye isi ise nilukhilayo, iwe niye uuli kumukabo kwase mu shibala muno.

⁶N'urekeerese khuuloomba khwase, khulwekhuuba ise naawetsekheleele kamaani! N'umbonise ise khukhwaama mu makhono ke babaangubyeenga ise, khulwekhuuba nibo bali ni kamaani kamakali khukhuuminyisa ise.

⁷N'untsinyuseyo khukhwaama mu bubowe buno, nio ise inyalise khuuruuya lisiina lyoowo! Nio nga bakhosefu boowo baaboone bye shiisa biikali byeesi iwe ukholeele ise, kane batime beetse isi ise ndi.