Read lumasaaba Tsizabuli 146 Bible Online

Tsizabuli 146 - lumasaaba bible

Tsizabuli 146

¹Ruuya Umukasya! O mwoyo kwase, ruuya Umukasya!

²Khukhwaama ise ni ishiili umulamu, kane ise imbuyile Umukasya; kane buulamu bwase bwoosi bubuyile Umukasya.

³Mukheyikina bawuli ta, namwe umuundu yeesi ta, khulwekhuuba mbaawo sheesi banyala bakhukholela ta.

⁴Khukhwaama nga umuundu n'afwa, ne baamusiikha; byeesi arengekharengekha byoosi biba byaakamile.

⁵Ali ni tsikhabi uyo uwiyikina Wele wa Yakobo, uyo uuli ni kumwiyikino mu Mukasya Wele weewe.

⁶Wele niye uwabuumba likulu ni shibala, ni inyaantsa ni neebyo byoosi bibiikilimo. Wele busheele olelesa sheesi asuubisa.

⁷Busheele abona ari kumusaango sikufuura babaamiinikhilisibwa ta; naluundi niye uuwa babaali intsala biilyo. Umukasya niye ukaangulula baabowe waabalekhuula baatsya.

⁸Umukasya niye ubimbula tsimoni tsye baabofu. Niye uwisa kamaani musi abo babaawetsekheleele kamaani; Umukasya akana abo babaali bakhosefu.

⁹Umukasya niye uwaayisa abo babaali bakyeendani, niye utseeta baafuubi ni banamulekhwa; ne niye umalawo baboonaki.

¹⁰Umukasya ali Umuyiinga uwe kimiboolo kyoosi, biilo ni biilo. Babaandu be mu Sayuuni, Wele weenywe ali umuyiinga. Ruuya Umukasya!