Read lumasaaba Tsizabuli 149 Bible Online

Tsizabuli 149 - lumasaaba bible

Tsizabuli 149

¹Ruuya Umukasya! Yimbila Umukasya kumweenya kumushaakha. Muruuyile mu lubusano lwe babaandu babaamwisaaya.

²Khayo ba Isiraeli bekhoye khulw'omubuumbi waabwe. Khayo babaandu babaamenya mu Sayuuni bekhoye khulw'Omuyiinga waabwe.

³Khayo baruuye lisiina lyeewe nga bashina kamashino. Khayo bamwimbile nga baraambisa kamatuungu ni bye kimyeenya bibiindi.

⁴Khulwekhuuba Umukasya ekhoyela babaandu beewe; naluundi abo babaali bawolu niye abawa kamaani ke khufuura mu busoolo.

⁵Khayo abo boosi babaamwisaaya bekhoye khulwe shiriifwa sheewe; nga bali khu bulili bakona, khayo beembe ni kumwikhoyo.

⁶Khayo beembile Wele ni kamakono ke angaaki naabi; khayo beembe nga baawaambile bye busoolo mu makhono kaabwe,

⁷khuutsya khukhwilihaasa busiku khu manaambo kakaandi, ni khuuwa kamanaambo kakaandi shitaambiso.

⁸Naluundi khuutsya khubowa bayiinga be kamanaambo kiminyololo, akhaba ni baaraangilisi baabwe nabo bababowe mu mapuusu.

⁹Khuubakhalila nibo kumusaango nga Wele n'amala khaale khuukhalawo! Shino shili shiriifwa shireerebwa ni naabo babesaaya Wele. Ruuya Umukasya!