Read lumasaaba Tsizabuli 24 Bible Online

Tsizabuli 24 - lumasaaba bible

Tsizabuli 24

¹Shibala ni bibiishilimo byoosi bili by'Omukasya, shibala shoosi shili shisheewe ni naabo boosi babaashilimwo bali babeewe.

²Niye uwashibuumbila khu ngaaki khwe tsinyaantsa, ni kimisiinji kyasho waakira khu meetsi kamakali.

³Naanu niye unyala khuuniina khu lukiingi lw'Omukasya? Naanu ndi niye unyala khukhwiimikha mu shifwo sheewe shikhosefu?

⁴Aba uyo ukhola bibiindu biilayi ni kamakhono keewe, naluundi uwaambaasa bye bukwalaafu mu mwoyo kweewe, uyo ukhemalila buulamu bweewe khu biindu bikhalimo ta, naluundi ukhetsuba bye bubeeyi ta.

⁵Umweene uyo Umukasya alimuwa tsikhabi naluundi amuwonese, Wele alimulaangilila khuuba ukhalikho ni lomo yoosi ta.

⁶Babaandu babaali nga uyo nibo babaaweentsa Wele, nibo babaakana khukhwiitsa mu moni tsa Wele wa Yakobo.

⁷Ni mubalaayise kimilyaango, mwikulewo tsintsitsi tsikhaale itsyo, nio Umuyiinga we shiriifwa enjile.

⁸Ne naanu niye Umuyiinga we shiriifwa yuno? Umuyiinga we shiriifwa niye Umukasya uwe kamaani ni buunyala, Umukasya uwula mu busoolo.

⁹Ni mubalaayise kimilyaango, mwikulewo tsintsitsi tsikhaale itsyo, nio Umuyiinga uwe shiriifwa enjile.

¹⁰Ne naanu niye Umuyiinga we shiriifwa yuno? Umukasya uwula mu busoolo niye Umuyiinga we shiriifwa!