Read lumasaaba Tsizabuli 28 Bible Online

Tsizabuli 28 - lumasaaba bible

Tsizabuli 28

¹O Umukasya, iwe niye Umuyeeti wase, ise ikhulilila iwe n'umbuliilise; iwe niye umuliindi wase. Lwekhuuba iwe n'ukane usile busa, kane ise imbe nga abo babaali imakoombe.

²N'uwuliilise khuulila khwase, nga ikhuloomba iwe unjeete, nga ninyusa kamakhono kaase angaaki isi Lisaayilo lyoowo Likhulu.

³Ukhaakhweesa ise waambilila atweela ni baboonaki abo ta, atweela ni naabo babaakhola bye bubwoonaki ta, abo babaakanikha isi bashaabwe bye buulayi ne nga betsuule bubiiyile mu myoyo kyaabwe.

⁴N'ubawe shitaambiso shishaakhila bubwoonaki bwaabwe, khuusiintsiila khu biibi byeesi bakholile; n'ubawe shitaambiso shishaakhila buraambi bwe kamakhono kaabwe; n'ubaliyile shishibaakhila.

⁵Lwekhuuba sibenaanayo khu buraambi bw'Omukasya ta, namwe khu byeesi akholile ta. Niye alibafuniakilawo ilala, luundi abahese baweelewo ilala.

⁶Umukasya aruuyibwe naabi! Lwekhuuba waawuliile likono lye khuulila khwase.

⁷Umukasya niye uwuntsaya ise luundi niye uwuniinda; ise imwiyikina; niye anjeeta ise luundi antsikhoyesa kumwoyo kwase, ise niimba kimyeenya kye khuumuruuya.

⁸Umukasya niye uliinda babaandu beewe, niye uwayilisa luundi waawonesa umurobole weewe.

⁹O Umukasya, n'uwonese babaandu boowo, ubawe tsikhabi tsoowo; n'ube umwaayi waabwe, ubaayilise biifukhu byoosi.