Read lumasaaba Tsizabuli 29 Bible Online

Tsizabuli 29 - lumasaaba bible

Tsizabuli 29

¹Inywe bibuumbe bye mwikulu mweesi, nimuruuye Umukasya, ni muruuye shiriifwa sheewe ni kamaani keewe.

²Ni muruuye lisiina ly'Omukasya lye shiriifwa, ni mumwisaaye uyo uuli Umukhosefu nga ali mu shifwo sheewe shikhosefu.

³Likono ly'Omukasya liwulilikha khu meetsi; Wele we shiriifwa apaapanukha, likono lyeewe lyaawulilikha khu meetsi kamakali.

⁴Likono ly'Omukasya lili lye kamaani, likono ly'Omukasya lyetsuule shiriifwa shikali.

⁵Likono ly'Omukasya lifuniaaka kimiruumba, Umukasya afuniaaka kimiruumba kye mu Lebanoni.

⁶Niye nga waakanikhile akila tsinjiinji tsa Lebanoni tsyaasuniaakila nga imoosi iye khaafu, ni lukiingi Herimoni lwaashina nga imoosi ye mboko.

⁷Likono ly'Omukasya limemukha lyaarusa luweni.

⁸Likono ly'Omukasya linikinisa kumubiimbi, Umukasya anikinisa kumubiimbi kwa Kadesi.

⁹Likono ly'Omukasya likila ikhisi yaasaala, liwululila ilala kamasaafu khukhwaama khu misaala kye mu shisaali. Ni naabo boosi babaali mu Lisaayilo lyeewe Likhosefu bakuukuula bari, “Shiriifwa shibe isi Wele.”

¹⁰Umukasya ali ni bunyala khu kameetsi kakaasalasaale, niye ali Umuyiinga biilo ni biilo.

¹¹Umukasya awa babaandu beewe kamaani. Ilala Umukasya awa babaandu beewe tsikhabi tse lukoosi!