Read lumasaaba Tsizabuli 43 Bible Online

Tsizabuli 43 - lumasaaba bible

Tsizabuli 43

¹O Wele, iwe n'ukhalewo wokesanise uri ise ndi umuundu ukhalikho ni kumusaango ta. N'uniinde ise khukhwaama isi babaandu babaakhakhurya iwe ta; umbonese ise khukhwaama isi babaandu babeeyi luundi babaakhali bakwalaafu ta.

²Lwekhuuba iwe uli Wele umuliindi wase. Ne lwashiina iwe undekhile ise? Lwashiina ise injeenda nga indila, lwe khumiinikhilisa khukhwaama isi baasiku baase?

³Aso, iwe n'usiindikhile ise buwaanga bwoowo ni bwa ŋali bwoowo, biitse binaangilile ise; binjeese ise bindeere khu lukiingi lwoowo lukhosefu, shishiili shiifwo she bubwikhalilo bwoowo!

⁴Nio lwanyuma ise intsye khu sheeso sha Wele, isi Wele uli uwe kumwikhoyo kwase kwa ŋali. Kane ise ikhuruuye iwe nga ikhupa lituungu lyase, O Wele, iwe Wele wase.

⁵Lwashiina kumwoyo kwase kuweelemo kamaani? Lwashiina ise ikhali khukhwiwulila buulayi? Ise kane inde kumwiyikino kwase mu Wele, ise imuruuye, lwekhuuba niye Umuwonesi wase, naluundi niye uli Wele wase.