Read lumasaaba Tsizabuli 47 Bible Online

Tsizabuli 47 - lumasaaba bible

Tsizabuli 47

¹Inywe kamanaambo koosi, ni mukhupe mukhono lwe kumwikhoyo, ni mukuukuulile angaaki kimyeenya kye kumwikhoyo isi Wele weenywe.

²Lwekhuuba Umukasya ali Umukhulu naabi; uwaakha khuriibwa, umuyiinga umukhulu uwula shibala shoosi.

³Niye akhunyalisisa ifwe khuuwula kamanaambo koosi, karyo koosi kaaba aasi e bikele byeefwe.

⁴Niye uwakhurobolela ifwe liiswa lyeesi khumenyamo, nikwo kumwikhoyo kwe babaandu beesi niye asiima.

⁵Umukasya nga aniina mu ngaaki khu shitsoloŋo sheewe, ibawo khuuyokesa khwe kumwikhoyo, ni tsikhoombi nga tsifuuribwa.

⁶Ni mwiimbe khuubuyila Wele, ni mwiimbe khuumuruuya! Ni mwiimbe khuuruuya Umuyiinga weefwe, ni mwiimbe khuumuruuya.

⁷Lwekhuuba Wele niye Umuyiinga we shibala shoosi, ni mwiimbe ni tsizabuli khuumuruuya niye.

⁸Wele awula kamanaambo koosi; nga wekhaale khu shitsoloŋo sheewe shikhosefu.

⁹Bawuli be kamanaambo babuusana atweela, ni anaari bali babaandu ba Wele wa Iburayimu, lwekhuuba buwuli bwe shibala shoosi buli bwa Wele, ni Wele waayikhala mu shiriifwa she angaaki!