Read lumasaaba Tsizabuli 54 Bible Online

Tsizabuli 54 - lumasaaba bible

Tsizabuli 54

¹O Wele, khulwe bunyala bwoowo, n'umbonese ise mbonese ise nga uraambisa kamaani koowo.

²N'uwuliilise sheesi ise ikhuloomba iwe, O Wele. N'uwuliilise bilomo byeesi ise inoma.

³Babaandu babeyiinga beetsile khukhuunangana ise, babaandu baarafu bakhakakho khukhuuntsira ise; nibo sibenaanayo khu Wele ta.

⁴Ne Wele niye umuyeeti wase; Umukasya niye uwaayilisa buulamu bwase.

⁵Kane Wele akaluse buubi bwiile khu baasiku baase; mu bwiyikinwa bwoowo n'ubahese bawewo.

⁶O Umukasya, kane ise ikhuwe iwe isaayilo ni kumwikhoyo, kane ikhusiime iwe lwekhuuba iwe uli Umulayi.

⁷Iwe wambonesele ise khukhwaama mu bukosi bwase bwoosi. Ni nase samweene naboone baasiku baase boosi nga baawulibwile.