Read lumasaaba Tsizabuli 58 Bible Online

Tsizabuli 58 - lumasaaba bible

Tsizabuli 58

¹Inywe baawuli mukhalawo kimisaango kya ŋali namwe ta? Mukhalila babaandu boosi kumusaango mu bwaŋali namwe ta?

²Taawe, inywe mwaambaasa busa khuukhola buubi bwonyene; mwaambaasa khuukhola bye shinani khu shibala.

³Babaandu baabi baborokhela ilala khukhwaama mu khusaalikhana khwaabwe, bubeeyi baburakikha nga bali bakyeekhe.

⁴Betsuule butsiba nga bwe ndemu, bekala kamaru baaba nga indemu nikhawulila ta, lwe khufundisa khukhuru khwayo,

⁵iryo yalekha khuwulila likono ly'omuundu uwikhala ni natso, namwe ly'omufumu umukyesi naabi.

⁶O Wele, iwe n'ubakhuulemo kameeno mukhanwa mwaabwe, funiaaka kameeno ke tsitalanyi tsindafu itso.

⁷Khayo boomelele bawewo nga kameetsi kakeekha, khayo baniaale nga bunyaasi bweesi basaambakilila khu ntsila.

⁸Khayo babe nga ikhuminio niyengukhaka nga ikyeenda mu bukhafu, khayo babe nga umwaana usaalikhile nga umufu, ukhabonakho inyaanga ta.

⁹Baabi balimalibwawo khaangu nga sibashimanya ta, nga n'ubona bibiteekhebwela mu nyuungu iili khu mulilo kukuutindiima.

¹⁰Bakwalaafu baliikhoya ni balibona baboonaki nga bataambisibwa, balibirira busa mu mafuki ke baboonaki.

¹¹Babaandu kane balome bari, “Ilala bakwalaafu baanyoola shiwaanwa. Ilala iliwo Wele ukhala kimisaango khu shibala.”