Read lumasaaba Tsizabuli 6 Bible Online

Tsizabuli 6 - lumasaaba bible

Tsizabuli 6

¹O Umukasya, ukhaakhalila ise kumusaango nga uli mu lirima ta, ukhaamba ise shitaambiso nga uli umukhalafu ta.

²Umukasya, n'umaambile ise shiisa lwekhuuba naawetsekheleele naabi. O Umukasya, n'umbonese ise lwekhuuba ingunyi yaamaambile.

³Kumwoyo kwase nakwo kwetsuule kumutaambo kumukali. Ne iwe, O Umukasya, ulyoolesa imbuka shiina nga akhunjeeta ta?

⁴N'ukobole, O Umukasya, uwonese buulamu bwase; n'umbonese lwe khuukana khwoowo khuukali.

⁵Lwekhuuba babaafwa sibanyala khuukhuushebulila iwe ta; n'imakoombe mbaawo unyala waakhuruuya iwe ta.

⁶Ise naaluwile lwe kumutaambo kumukali; buli shiilo bulili bwase butora lwe kamasika kaase; ni lisisinwe lyase litora lwe khuulila khuukali.

⁷Tsimoni tsase tsawaambibwile luukhaleesi lwe kumutaambo, naluundi tsimoni tsase tsaabiimbile lwe khuulila khwase khweesi baasiku baase baandisamo.

⁸Nimurure isiindi inywe mweesi babaakhola bye bubwoonaki; lwekhuuba Umukasya waawuliile luwuungu lwe khuulila khwase.

⁹Umukasya waawuliile khukhwikoontselela khwase; aryo waakaniile khuuloomba khwase.

¹⁰Baasiku baase baliswaala, bawaambisibwe tsisoni lwe khuuwulibwa khwaabwe; mu khukaraangarana khuukali balitimisibwa khaangu barurewo nga baaswaalile busa.