Read lumasaaba Tsizabuli 63 Bible Online

Tsizabuli 63 - lumasaaba bible

Tsizabuli 63

¹O Wele, iwe uli Wele wase, ni nase ikhuweentsa ni kumwoyo kwase kwoosi. Bulamu bwase bwoosi bukhwiwuuma iwe wenyene, ni kumubili kwase kukhwiwotooma iwe nga liloba liliili lilyoomu ni liwotooma kameetsi.

²Ise nakhubona iwe nga uli mu shifwo shoowo shikhosefu, naluundi nabona bukhulu ni shiriifwa shoowo.

³Lwekhuuba khuukana khwoowo khukhuukhakama ta khuminyisa buulamu, nashiryo ise kane ikhuruuye iwe.

⁴Ise kane ikhuruuyatsake iwe ndyo nga ni shiili umulamu; kane ninyusatsake kamakhono kaase mu ngaaki nga ikhuloomba iwe.

⁵Bulamu bwase kane bwikusibwatsake ni biilyo biilayi, ise ndyo kane niimbatsake kimyeenya khuukhuruuya iwe.

⁶Ise nga intsya mu bulili bwase khuukona, ikhushebulila iwe; ikhwaambaasakho naabi khukhwoolesa shiilo shoosi khuwakho.

⁷Lwekhuuba busheele iwe niye umuyeeti wase; ni nase kane niimbatsake kimyeenya ni kumwikhoyo nga ndi aasi mu shiniini she tsindaha tsoowo.

⁸Bulamu bwase kane bwihaambile ilala khwiiwe, ni kumukhono kwoowo kwe kamaani kuundikiya ise.

⁹Abo boosi babaaweentsa khuurusawo buulamu bwase baliihela; beekhe aasi imakoombe.

¹⁰Baliwaanibwayo beeribwe ni lurima, baryo baliibwe ni tsishipwe.

¹¹Ne umuyiinga kane ekhoye khulweebyo byeesi Wele akholile; abo boosi babaali babeyikinwa mu Wele kane babe ni shiriifwa, ne abo babaali baabeeyi baliribwa.