Read lumasaaba Tsizabuli 64 Bible Online

Tsizabuli 64 - lumasaaba bible

Tsizabuli 64

¹N'undekeerese ise O Wele, uwulile khukhwilootsa khwase; n'utseete buulamu bwase khukhwaama khu baasiku babaali khuuburiisariisa.

²N'umbise ise uniinde khukhwaama khu mbomelo tse shimoonyo, khukhwaama isi liyoombo lyaabo babaakhola bibikhali biilayi ta.

³Nibo babahakala tsinimi tsaabwe nga n'ubona umuundu n'awakala lurima, barusa bilomo byaabwe byayokiya nga n'ubona buyiingo ni bwokiya.

⁴Beereka busa aasi baalasa umuundu ukhalikho ni lomo yoosi ta; bamulasa khaangu nga mbaawo sheesi barya ta.

⁵Beesanamwo busa kamaani mu khukhola bye bumoyaani, bakanikha busa khu bye khuureka kimireko kyaabwe; nga baloma bari, “Ne naanu ukane sheesi ifwe khukhola?”

⁶Bakhola bibikhali biilayi ta nga baloma bari, “Khwarekekhile buulayi naabi!” Ilala bibyambaaso ni kumwoyo kw'omuundu mbaawo unyala wabimanya ta.

⁷Ne Wele alibalasa nibo ni buyiingo; balimanyilila khaangukho nga waabawunakile.

⁸Bilomo byaabwe bibyeene bilikila nibo baahele. Ni naabo boosi babaalibabona nibo, balitengaasa busa kimirwe kyaabwe nga beyaanga.

⁹Babaandu boosi balirya; balikanikha busa khu byeesi Wele akholele, babyambaasekho mu myoyo kyaabwe.

¹⁰Lekha bakwalaafu bekhoyele mu Mukasya, nga bamwilukhilayo isi niye ali; lekha abo babaali bakwalaafu mu myoyo, bamuruuye niye!