Read lumasaaba Tsizabuli 82 Bible Online

Tsizabuli 82 - lumasaaba bible

Tsizabuli 82

¹Wele niye uwikhala mu shitsoloŋo shikhulu mu lubusano lwe mwikulu, mu lukhobo lwe ba wele niye ukhalawo, nga aloma ari:

²“Mulyoolesa eena khuukhalaka kimisaango mu bukhali bwaŋali ta, ni khuumala kalekhuulaka busa babaandu baabi?

³Nimwiimilewo abo babaali bataambi ni baafuubi; nimuyeete abo babaali buubi ni babaakhenyala ta.

⁴Nimutimiilile abo babaali baatoro ni babaakhenyala ta; mubawonese khukhwaama mu makhono ke babaandu baabi.

⁵Nibo mbaawo sheesi bamanyile ta, naluundi mbaawo sheesi batekeela ta. Nibo bakyeendela busa mu shiilima; nga ni kimisiinji kyoosi kye shibala kitengaasibwa.”

⁶“Ise Wele, Uli Angaaki Lukali, naloma ndi ‘Inywe mweesi muli ba wele, muli babaana baase.’

⁷Ne kane mufwe busa nga babaandu boosi ni bafwa, mweesi muliwawo busa nga bawuli babaandi ni bawawo.”

⁸Nuwinyukhe, O Wele, uwule shibala; lwekhuuba kamanaambo koosi kali kakoowo.