Read lumasaaba Tsizabuli 87 Bible Online

Tsizabuli 87 - lumasaaba bible

Tsizabuli 87

¹Kimisiingi ky'Omukasya kili mu ngoongo tseewe tsiikhosefu

²naluundi Umukasya akana naabi biilibwa bye shiriimba Sayuuni khuufuurakho biifwo bibiindi byoosi bibiramile mu Isiraeli.

³O iwe shiriimba sha Wele, nga bibiindu bye shiriifwa biikali naabi bikhukanikhibwakho khwiiwe.

⁴Mu baandu abo babaamanyile ise nga Wele waabwe, naareeremo Misiri ni Babulooni; mu baandu be Yerusalemu, ndiibalilamo Firisitiya, Tuulo ni Esiyopiya.

⁵Ilala Wele uuli Angaaki Luukali, alihangasa shiriimba Sayuuni. Na buli muundu aliloma ari, “Ni nafwe khwasaalikha mu bweene umwo.”

⁶Umukasya alirona akhole luruungo lwe babaandu beewe boosi, abalilemo ni naabo boosi babaasaalikhila mu Yerusalemu.

⁷Ni babeemba kimyeenya, ni naabo babashina kamashina atweela baliloma bari, “Mu Sayuuni nimwo mweesi nafwe khwasaalikhila.”