Read lumasaaba Tsizabuli 98 Bible Online

Tsizabuli 98 - lumasaaba bible

Tsizabuli 98

¹Nimwiimbile Umukasya kumweenya kumushaakha, lwekhuuba niye waakholile bibiindu bye kamakaanga. Lwe kamaani ni buunyala bwe bukhosefu bweewe, niye waawulile.

²Umukasya wokesanisile khuuwula khweewe, wokesanisile buunyala bwe buwonesi bweewe khuumanyikha isi kamanaambo.

³Niye waashebulila bye khuukana khweewe ni bubwiyikinwa bweewe isi ba Isiraeli, ni kamaani keewe ke khuuwonesa kabonekha oosi mu shibala.

⁴Ni mwiimbe kimyeenya kye kumwikhoyo inywe shibala shoosi, nga muruuya Umukasya ni khuuyokesa khwe sangaalo.

⁵Ni mumwiimbile Umukasya ni lituungu, ni mukhupe lituungu nga mwiimba.

⁶Ni mufuure tsikhoombi ni tsikhoombi, muyokese nga mwiimba lwe kumwikhoyo, mu moni ts'Omukasya luundi Umuyiinga!

⁷Lakila inyaantsa iyilile atweela na buli bilamu byoosi bibikiilimo. Khayo shibala sheembe kimyeenya atweela ni babaandu boosi babaashilimo.

⁸Lakila tsintsitsi tse kameetsi tsikhupe mukhono, ni tsinjiinji tsembeele atweela kimyeenya lwe kumwikhoyo.

⁹Byoosi khayo bisaaye Umukasya, lwekhuuba ali khukhwiitsa khuuwula nga umukayi uwa buli muundu khu shibala. Naluundi niye alikhala kumusaango mu bukwalaafu ni mu bwaŋali.