Read lumasaaba Isaaya 12 Bible Online

Isaaya 12 - lumasaaba bible

Isaaya 12

¹Shifukhu shikhoole, isi buli mutweela mu babaandu alyeembela kumweenya ari, “Kane neembe kumweenya khuukhusiima iwe, O Umukasya! Iwe waba waayikhalalila ise, ne ari bona lirima lyoowo lyaawawo, untsisamwo ise kamaani.

²Bona ari Umukasya niye umuwonesi wase. Kane imwiyikine niye yenyene, mbaawo shishiindu shoosi sheesi inyala naarya ta. Umukasya Wele umweene niye uwuumba ise kamaani, naluundi nio nanyalisa khukhweemba kumweenya. Niye umweene ali buwonesi bwase.

³Ni kumwikhoyo kumukali, inywe mukhaanywe kameetsi, nga mukarusa khukhwaama mu sebele iye buwonesi.”

⁴Shifukhu isho nga sheetsile khwoola, inywe mukhaalome muri, “Ifwe khuuwaanayo khuusiima khweefwe isi Umukasya! Ifwe khuruuya naabi lisiina lyeewe. Tsya muboolele kamanaambo koosi ibyo byoosi byeesi niye akholile. Ni mubaboolele nio bamanye bari lisiina lyeewe lili lye shiriifwa naabi.

⁵Ni mweembele Umukasya kimyeenya, lwekhuuba niye wakholile bibiindu bikhulu naabi! Tsya mwokesanise bye khuruuya lisiina lyeewe mu shibala shoosi.

⁶Inywe mweesi babaamenya mu Sayuuni, ni mukhupe liyoombo, mweembe ni kumwikhoyo! Lwekhuuba uyo Uuli Umukhosefu uwa Isiraeli, umenya akari eenywe, ali umukhulu naabi!”