Read lumasaaba Ba Levi 11 Bible Online

Ba Levi 11 - lumasaaba bible

Ba Levi 11

¹Umukasya waalomela Musa ni Aroni ari,

²“Boolela ba Isiraeli muri, khukhwaama mu bisolo byoosi khu shibala, iliwo bino nibyo byeesi munyala mwaalya:

³Isolo ilikho bibutusi nga byaayawukhamo khabili, naluundi nga ilya ikhaamuula, iyo munyala mwaalya.

⁴Ne bibiilakho bino, ikhaba nga bibutusi byabyo byaayawukhanamo khabili, naluundi bilya ikhaamuula, ne mukhalya ta, khulwekhuuba sibifukiilisibwa ta: Tsiŋamila,

⁵wanakhamuuna,

⁸Mukhalya inyama yabyo, namwe mwabihaambakho ta, khulwekhuuba bisolo ibyo sibifukiilisibwa ta.

⁹“Khwiibyo bibimenya mu meetsi, munyala mwaalya ibyo bibiilikho bipapariro ni bikhakayu.

¹⁰Ne buli shoosi she mu meetsi shishikhalikho bipapariro ni bikhakayu, mukhalya ta, shili she imbikho isi inywe.

¹¹Mukhabilyakho, namwe mukhahaambakho inyama yabyo ta.

¹²Buli she mu meetsi shishikhalikho bipapariro ni bikhakayu, simufukiilisibwa khuushilya ta.

¹³“Binywiinywi bibiili bye imbikho, byeesi mukhafukiilisibwa khuulya ta, nibyo bino: waasu, ingosya,

¹⁴kisiilili, nalukosi,

¹⁶namuturu, inyoofwe, kimitubi kye khu meetsi

¹⁷sikhiikhi,

¹⁸binywiinywi bye khu meetsi,

¹⁹likhuuyi, ni tsikhiikhi atweela ni liwukuru.

²⁰“Khukhwaama khu biindu bibipururukha, muli ni khuulyakho bino: Tsisike, kamateete, ni tsinyeentse. Bibiramire byoosi bili bye kumusilo, simufukiilisibwa khuubilya ta.

²⁴“Mukhawaamba khu bisolo bibyawukhanamo bibutusi, naluundi nga bilya ikhaamuula, ne nga byaafwiile byonyene busa ta. Ikhaba bisolo bibiili ni kamatere, nga byafwiile byonyene busa, mukhawaamba khu nyama yabyo ta. Ni iba bari shaakholikhile, muli ni khuusiinga bikwaaro byeenywe, ne shitweela busa kane murame nga muli banyaalu khukhwoolesa angoloobe.

²⁹“Bino nabyo bili binyaalu, nashiryo mukhabilya ta: Wanamaambi, ifukho, imbulu, namatikiiyi, ikoonya, imbakilya, ni ikhaniaafu.

³¹Bino byoosi bili binyaalu, nashiryo uyo yeesi ubiwaambakho nga byaafwiile, arama nga ali umunyaalu khukhwoolesa angoloobe.

³²Buli shishibitiilakho shoosi, oba shili she shisaala, namwe lihaafu lye shishaayo, namwe sheesi baraambisa mu ntsu, namwe shikwaaro, namwe isaawu, muli ni khuushisiinga ni kameetsi. Ne shitweela busa kane shirame nga shili shinyaalu khukhwoolesa angoloobe.

³³Ni iba bari shaanyoolikhanile shiri shitweela khu nibyo shaakwiile mu soongwe, bali ni khuukyaraaka. Ni bibikilimo byoosi biikela binyaalu.

³⁴Ni iba bari mwawaambile kameetsi khukhwaama mu soongwe iyo mwaatsukhile khu bye khuulya byoosi, biilyo ibyo bikyela binyaalu. Na buli she khuunywa shishiili mu soongwe iyo, shikela shinyaalu.

³⁵“Niiba bari shisolo isho shaafwiile, ne shaakwa khu mayika namwe isikiri, sheesi shikwiilekho shiikela shinyaalu, naluundi bali ni khuusharaakaka.

³⁶Ikhaba nga shitweela khu bisolo ibyo shanyoolikhaane mu sebele namwe litibo lye kameetsi, kameetsi ako karama nga kashiili kamalayi, sikaba kamanyaalu ta. Ne umuundu yeesi uwitiila khu shisolo shishifwiile isho ekela umunyaalu.

³⁷Ni iba bari shisolo isho shiifu shinyoolikhana nga shakwiile khu bumiitso bweesi baatsya khubyaala, bumiitso ubwo burama nga buulayi, sibuba bunyaalu ta.

³⁸Ne niiba bari bumiitso ubwo baabusanyile mu meetsi, ne shisolo isho shaabukwakho nga shaafwiile, buumiitso ubwo bwikela bunyaalu.

³⁹“Niiba bari shitweela khu bisolo byeesi munyala mwaalya shaafwiile shonyene busa, uyo yeesi ushitiilakho ekela umunyaalu khukhwoolesa angoloobe.

⁴⁰Ni iba bari waaliile khu nyama yasho, namwe waasuta shisolo isho nga shaafwiile, uli ni khuusiinga bikwaaro byoowo. Ne shitweela busa, kane urame nga uli umunyaalu khukhwoolesa angoloobe.

⁴¹“Mukhalya ibyo byoosi bibiikhururira aasi khwiloba ta, ni nebyo bibikhururira inda ta. Ibyo bili binyaalu.

⁴³Ni mubilyakho, nanywe kane mwikele banyaalu nga nibyo ni bili.

⁴⁴Ni nashiryo, inywe muli ni khukhwiwaanayo isi ise, mube baakhosefu, khulwekhuuba ise ndi umukhosefu. Mukhalya bibiindu bibikhururira aasi, namwe bibikeendela inda, mwekela banyaalu ta.

⁴⁵Khulwekhuuba ise ndi niye Umukasya uwabarusa inywe mu Misiri, indi nio imbe Wele weenywe. Ni nashiryo, muli ni khuuba baakhosefu, nga ise n'iindi umukhosefu.”

⁴⁶Ako kali niko kamakaambila kakawaamba khu bisolo, binywiinywi, ni bibiindu byoosi bibiimenya mu meetsi ni khu shibala.

⁴⁷Kane kabayeete inywe khuukhalawo ibyo bibiili binyaalu ni bibikhali binyaalu ta, ibyo byeesi munyala khuulya, ni neebyo byeesi mukhali ni khuulya ta.