Read lumasaaba Yeremiya 45 Bible Online

Yeremiya 45 - lumasaaba bible

Yeremiya 45

¹Mu mwiiko kukuukhola khane kwe buwuli bwa Yehoyakimu, umusooleli wa Yosiya, nga umuyiinga wa Yuda, Baruki waarona mu shitabo biilomo byoosi byeesi Yeremiya aamulomela khuurona.

²Nga amulomela biilomo byeesi Umukasya Wele wa Isiraeli aaloma bibiwaambakho niye nga Baruki ari,

³“Baruki iwe uli khuuloma uri, ‘Kwanyoolile! Lwekhuuba Umukasya alikho andooselakho ise butsiina ni kumutaambo kukuuli mu mwoyo kwase. Ari ise naweelemwo kamaani lwe khuutsiinisibwa, nga siindikho ni khuuwola khwoosi ta.’ ”

⁴Ne Umukasya waalomela Yeremiya khuumulomela ari, “Ise Umukasya isaambulaka sheesi samweene noombekha, naluundi nakhuulaka sheesi samweene nabyaala mu shibala shoosi.

⁵Ari ulikho wiheentsela biilayi bibikhuwaamba khwiiwe wamweene wenyene? Isho ukhashikhola uryo ta! Lwekhuuba ise intsya khureera buukosi khu baandu boosi, ne iwe kane wiitse utitukhe nga uli mulamu utsye aandu oosi isi ukhaakane khuutsya. Shino ise Umukasya samweene niye ushikanikha.”