Read lumasaaba Khukhwiwunamila 5 Bible Online

Khukhwiwunamila 5 - lumasaaba bible

Khukhwiwunamila 5

¹O Umukasya, khukhuloomba ushebulile bisiro bibikhutabuulekho; lola ubone khuuswaala khweesi khuli nakho!

²Busikha bweefwe bwaayilibwile ni babaandu babeetswa, tsiingo tseefwe tsekyelile tse baamuli.

³Ifwe ari khwekyelile baafuubi, babaakhalikho ni ba paapa ta, ba maayi beefwe bafwaanile banamulekhwa.

⁴Ari khwaakha khuukula kameetsi keesi khunywa, ni tsiikhu tseesi khuteekhela natso khwaakha khuutsikula busa.

⁵Ifwe khwabowebwa kamakyooki mu milo mweefwe, khwafwaana nga tsisikilya tsitsiraambisibwa ni kamaani, khwaluwile nga sikhunyoolakho shiwolelo taawe.

⁶Khuryo khwewaanayo isi ba Misiri, ni isi ba Asiriya bari nio khufune sha khulya shishikhumala.

⁷Bakuuka beefwe boonakisa ne lwanyuma bahela baawawo, ari ifwe khutaambisibwa lwe bubwoonaki bwaabwe.

⁸Babaandu babaali baakulwa nibo ndi babaakhuwula ifwe, nashiryo sikhulikho n'umuundu yeesi uunyala waakhuwonesa ifwe khukhwaama mu makhono kaabwe ta.

⁹Ifwe khunyoola sha khulya sheefwe nga khwaamalile khuubira mu buwaangafu bukali, lwekhuuba baasiku beefwe balikho basaama buli aandu mu mubiimbi.

¹⁰Lwe ntsala ingali, kimibili kyeefwe kilikho kyookhelela busa khukhuuli ni kamayima, lihaafu lye khu mubili kyeefwe lyaabilile pilo.

¹¹Babaandu bafwaakhila bakhasi mu Sayuuni mubweene, atweela ni bakhaana tsindungubaasi beene akari mu biriimba bya Yuda.

¹²Baakhulu beefwe nabo baabayila baabasuunga ni kamakhono kaabwe, mbaawo uwisamo baasakhulu luukoosi nakhari ta.

¹³Basooleli nabo babawaambila kamaani khuusya khu lusisi, ni babaana besiinde bataalataala nga betyuukhile tsiikhu tsisiro khu mirwe kyaabwe.

¹⁴Baasakhulu benyukhile baatsiile baarurire khu shilibwa she shiriimba, ni basooleli nabo baakamisile khukhwiimba kimyeenya.

¹⁵Kumwikhoyo abe kukweetsula mu myoyo kyeefwe kwaayakama, abe kakaabatsaka kamashina ari kekyelile ingunyi.

¹⁶Iyabatsaka ikuutwa iye shiriifwa sheefwe ari bona yakwiile aasi khukhwaama khu mirwe kyeefwe, nga kumutaambo kwaakhunyoolile lwekhuuba ifwe khwaayooneka!

¹⁷Lwe lomo yino kimyoyo kyeefwe kyalwaalile, ni lwe bibiindu bino, tsimoni tseefwe tsaabofwaalile sitsishibona ta.

¹⁸Ari bona lukiingi Sayuuni lwaaramile awo busa, tsishipwe ari tsikyeendamo busa nga ni tsikana.

¹⁹Ne iwe, O Umukasya, uwula biilo ni biilo, shitsoloŋo shoowo shibawo kimiboolo ni kimiboolo.

²⁰Iwe lwashiina ukhwiibilila ifwe biilo byoosi? Lwashiina iwe ukhwaantsukha ifwe khuumala imbuka indeeyi?

²¹N'ukhukobose is'uli khube nga nikhwaba maakiboole, O Umukasya, nio nafwe khwiile is'uli! Kalusa bifukhu byeefwe bibe nga ni byaba khaalekho!

²²Namwe iwe waakhwiikaanila ifwe ilala? Iwe ushikhuwaambila ifwe lirima liikali liryo?