Read lumasaaba Ezekeli 42 Bible Online

Ezekeli 42 - lumasaaba bible

Ezekeli 42

¹Lwanyuma umusaani tsana waambila mu lwaanyi lwe ibulafu, waambila isi shishombakhe abe shishiili ingaaki we Lisaayilo Liikhulu. Abe seshili aambi ni shishombakhe shishiili luwaande lwe ibukwanyaanga we Lisaayilo Liikhulu ta.

²Shishoombakhe shino abe shoolisa buuleeyi bwe tsifuuti 168, nga buubalaayi buli tsifuuti 84.

³Abe khu luwaande lutweela shaaloleelela mu shifwo shishiili busa nga shoolisa buubalaayi tsifuuti 34, nga shino shikobolela khu Lisaayilo Liikhulu. Ne luwaande luluundi abe shaaloleelela litikiiyi lye khuukyeendelakho mu lwaanyi lwe bulafu. Abe shaayoombakhibwa mu nuungo tsitaru, nga buli she aasi shilikho ibweenikho khuuminyisa she khu ngaaki.

⁴Khu luwaande lwe ngaaki lwe shishoombakhe shino, abe iliyo kumukhoosi, nga buubalaayi kuli tsifuuti 16, ni buuleeyi kuli tsifuuti shitoondo shitweela ni kamakhumi kasesaba na shinaane (168), nga ni kimilyaango abe kili khu luwaande ulwo.

⁵Abe biseenge bibiili khu ngaaki khwe bibiindi, bili binyelelekho khuuminyisakho ibyo bye khukari ni n'ebyo bye aasi, khulwekhuuba abe nibyo bili bibiimbi.

⁶Abe biseenge bino bye kimiluundi kitaru bino byoosi, sebyaayima khu misiindi nga tsiintsu tsye mu lwaanyi ulwo tsitsiramire tsyoosi abe ni tsili ta.

⁷Abe iliyo kuutikiiyi ibulafu nga kwaalolelela biseenge ibyo. Abe kuli tsifuuti 84.

⁸Biseenge abe bibiili mu lwaanyi lwe bulafu byoolisa buuleeyi tsifuuti 84.

⁹Aasi e biseenge bino abe iliyo kumulyaango kukwingilila khu luwaande lwe bwaamanyaanga,

¹⁰abe isi kuumako kwe bulafu kurakikhila. Khu shoombakhe abe shishiili ibukwanyaanga, abe nakhwo khulikho biseenge khu luubeka lwe imwaalo.

¹¹Biseenge bino abe bifwaanaanila ilala ni n'ebyo abe bibiili khu lube lwe ingaaki, nga nabyo bili ni kumukhoosi ibweeni wabyo.

¹²Kumulyaango kukwingila mu biseenge bino, abe kuli khu lubeka lwe bwaama inyaanga we kutikiiyi kukuuli ibweeni wabyo.

¹³Kila umusaani tsana anomela ari, “Bibyoombakhe bino byoombi bili bikhosefu. Basaayi babeengila mu Lisaayilo Liikhulu, mubweene umwo nimwo mweesi baliila tsisaayilo tsitsifuurisa bukhosefu. Khulwekhuuba biseenge ibyo bili biikhosefu, basaayi bayila mubweene umwo biwaanwa bibifuurisa buukhosefu ibyo. Bino bili biwaanwa bye bilimwa bibulungule biwaanibwayo khulwe bibyoonako.

¹⁴Nga basaayi baama mu Lisaayilo Liikhulu, ne bakana khukhwingila mu lwaanyi lwe ibulafu, bali ni khuulekha biikwaaro bikhosefu byeesi abe bakwaarire nga balikho bakaanisa Umukasya, mu biseenge bino. Bali ni khukwaara bikwaaro bibiindi busa nga bashiili khuutsya ibulafu isi babaandu baba babusaniile ta.”

¹⁵Nga umusaani tsana waamalile khuupima mu Lisaayilo Liikhulu mukari, waambirisira mu shilibwa shishiili khu luwaande lwe ibwaamanyaanga, lwaanyuma waatsya wapima ibulafu nayo.

¹⁶Waabukula ifuuti waapima luwaande lwe bwaamanyaanga, waanyoola nga luli tsifuuti bitoondo shinaane ni kamakhumi kane (840).

¹⁷Lwanyuma waapima ingaaki, n'imwaalo, n'ibukwanyaanga. Waanyoola nga buli luwaande luli tsifuuti bitoondo shinaane ni kamakhumi kane (840).

²⁰Abe shiifwo isho shoosi shilekhaana busa khu mbeka tsyoosi. Kuumako kuno abe kwaayawulawo akari e bibiindu bibiili biikhosefu ni n'eebyo bibikhali biikhosefu ta.