Read lumasaaba Hoseya 3 Bible Online

Hoseya 3 - lumasaaba bible

Hoseya 3

¹Umukasya waanomela ari, “Yiilayo, utsye ukane umukyelama woowo luundi, abe yakhaba nga aakhola bye buyeyani n'umusaani ukuundi. Shino kane shookesanise shiri Umukasya ashikana naabi babaandu ba Isiraeli, abe yakhaba nga bashuukha baatsya baloondelela ba wele babaandi, baatsya baawaanayo biwaanwa biikhosefu isi bifwaani.”

²Indyo naatsya naamukula naamukobosa nga inaambisa bisiintsa bye feetsa likhumi na biraano (15), ni tsikilo tsa seyiri shitoondo shitweela ni kamakhumi karaano (150), ni shipimo she viini.

³Lwanyuma ise naamulomela ndi, “Iwe waakha khuumenya ni nase mu ntsu yase, khuumala biifukhu biikali bibyeene, waakamise khuukhola bwamalaaya bwoowo. Khu mbuka yino, mbaawo umuundu yeesi isi kane ukonekho ni naye ta, abe yakhaba ni nase samweene.”

⁴Musaambo yino, babaandu ba Isiraeli kane bayile imbuka indeeyi busa nga sibalikho n'umuyiinga, namwe umuraangilisi yeesi ta, naluundi nga sibawaanayo tsisaayilo, namwe nga sibombekha bibyeeso, namwe khuubakho ni shibuumbe shoosi ta.

⁵Ne imbuka ikhoole, isi babaandu ba Isiraeli bakhaashuukhile, beetse bewaanileyo ilala isi Umukasya Wele waabwe, ni isi umwitsukhulu wa Dawudi, umuyiinga waabwe. Mu bifukhu bibyakamayo, bakheetse nga banikina busa isi Umukasya ni lwe buulayi bweewe.