Read lumasaaba Khuubala 7 Bible Online

Khuubala 7 - lumasaaba bible

Khuubala 7

¹Aryo nga Musa waamalile khuurawo Lisari Likhosefu, waalibiitakho tsikhabi, waaliwaanayo isi Umukasya atweela ni bibiindu byoosi bibilitsiilakho, ni shisheeso nasho ni bibiindu byakhwo bibishitsiilakho.

²Lwanyuma baaraangilisi ba Isiraeli boosi, abo babaaraangilila bikuuka ni bukuuka bukyeekhe bwe ba Isiraeli, beetsa isi Lisari Likhosefu,

³nga bareera biwaanwa isi Umukasya bibyoola: Bikaari bye kamaani bisesaba ni tsiyeeyi likhumi na tsibili, nga buli bikuuka bibili khu nibyo biba ni shikaari shitweela, na buli shikuuka nga shiba ni iyeeyi ndweela khwiibyo bibyareerebwa.

⁴Lwanyuma kila Umukasya alomela Musa ari,

⁵“Fukiilisa waakaanile biwaanwa bino khukhwaama isi babaandu bano, ubiwe ba Levi banyale khuubiraambisa ano mu Lisari Likhosefu, khusiintsiila khu milimo kyaabwe kyeesi buli mutweela khu nibo akhola.”

⁶Aryo Musa waakaanila bikaari ibyo, ni tsiyeeyi itso, waabiwa ba Levi.

⁷Musa waakaanisa basooleli ba Gereshoni bikaari bibili, ni tsiyeeyi tsine khusiintsila khu milimo kyaabwe,

⁸ni basooleli ba Merari waabawa bikaari bine ni tsiyeeyi shinaane, nabo khuusiintsiila khu milimo kyaabwe. Bino byoosi byakholebwela aasi e buraangilisi bwa Isamari, umusooleli wa Aroni.

⁹Ne isi basooleli ba Kohasi, mbaawo na shitweela sheesi Musa aabawa ta, lwekhuuba nibo baaba nga baloolelela bibiindu bikhosefu, byeesi baaba nga basutatsakila khu mabeka kaabwe.

¹⁰Baaraangilisi bareera biwaanwa khuubiwaanayo khu shifukhu khweesi shisheeso shawaanibwilayo. Bino byoosi baabireera iburaangisi we shisheeso.

¹¹Ne Umukasya waalomela Musa ari, “Buli mutweela khu baaraangilisi bano, kane abe ni shifukhu shisheewe khweesi kane awaanileyo biwaanwa byeewe khu sheeso, nga shiwaanibwayo.”

¹²Umuraangilisi uwanyoowa khuuwaanayo shiwaanwa khu shifukhu shishanyoowa aaba Nahashoni, umusooleli wa Aminadabu, uwe mu shikuuka sha Yuda.

¹³Shiwaanwa sheewe shaba, isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi beetsusilemo buufu buunose buulayi bwe shipimo she mu lisari likhosefu, nga baatubaasilemo kamafura ke shiwaanwa she buufu,

¹⁴ni pwakhuli ndweela iye zaabu, nga baakitsusilemo bubaane,

¹⁵iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

¹⁶indurume ndweela lwe khuuwaanibwayo nga shiwaanwa she shishoonako,

¹⁷ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Nahashoni, umusooleli wa Aminadabu.

¹⁸Khu shifukhu she khabili, umuraangilisi uweelakho khuuwaanayo shiwaanwa aaba Nesaneli, umusooleli wa Zuwa, uwe mu shikuuka sha Isakaari.

¹⁹Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu lisari likhosefu, nga baatubaasilemo kamafura ke shiwaanwa she buufu,

²⁰ni pwakhuli ndweela iye zaabu, nga baakitsusilemo bubaane,

²¹iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

²²indurume ndweela lwe khuuwaanibwayo nga shiwaanwa she shishoonako,

²³ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Nesaneli, umusooleli wa Zuwa.

²⁴Khu shifukhu she khataru, umuraangilisi uweelakho khuuwaanayo shiwaanwa aba Eliyabu, umusooleli wa Heloni, uwe mu shikuuka sha Zebuluuni.

²⁵Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi beetsusilemo buufu buunose buulayi bwe shipimo she mu lisari likhosefu, nga baatubaasilemo kamafura ke shiwaanwa she buufu,

²⁶ni pwakhuli ndweela iye zaabu, nga baakitsusilemo bubaane,

²⁷iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

²⁸indurume ndweela lwe khuuwaanibwayo nga shiwaanwa she shishoonako,

²⁹ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Eliyabu, umusooleli wa Heloni.

³⁰Khu shifukhu she khaane, umuraangilisi uweelakho khuuwaanayo shiwaanwa aba Elizuri, umusooleli wa Shedewuri, uwe mu shikuuka sha Rewubeni.

³¹Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

³²ni pwakhuli ndweela iye zaabu, nga baakitsusilemo bubaane,

³³iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

³⁴indurume ndweela lwe khuuwaanibwayo nga shiwaanwa she shishoonako,

³⁵ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Elizuri, umusooleli wa Shedewuri.

³⁶Khu shifukhu she kharaano, umuraangilisi uweelakho khuuwaanayo shiwaanwa aba Shelumiyeli, umusooleli wa Zurishadaayi, uwe mu shikuuka sha Simeoni.

³⁷Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

³⁸ni pwakhuli ndweela iye zaabu, nga baakitsusilemo bubaane,

³⁹iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁴⁰indurume ndweela lwe khuuwaanibwayo nga shiwaanwa she shishoonako,

⁴¹ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Shelumiyeli, umusooleli wa Zurishadaayi.

⁴²Khu shifukhu she khasesaba, umuraangilisi uweelakho khuuwaanayo shiwaanwa aba Eliyasaafu, umusooleli wa Dewuyeli, uwe mu shikuuka sha Gadi.

⁴³Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

⁴⁴ni pwakhuli ndweela iye zaabu, nga baakitsusilemo bubaane,

⁴⁵iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁴⁶indurume ndweela lwe khuuwaanibwayo nga shiwaanwa she shishoonako,

⁴⁷ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Eliyasaafu, umusooleli wa Dewuyeli.

⁴⁸Khu shifukhu she kumusaafu, umuraangilisi uweelakho khuuwaanayo shiwaanwa aba Elishama, umusooleli wa Amihudi, uwe mu shikuuka sha Efurayimu.

⁴⁹Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

⁵⁰ni pwakhuli ndweela iye zaabu, nga baakitsusilemo bubaane,

⁵¹iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁵²indurume ndweela lwe khuuwaanibwayo nga shiwaanwa she shishoonako,

⁵³ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Elishama, umusooleli wa Amihudi.

⁵⁴Khu shifukhu she shinaane, umuraangilisi uweelakho khuuwaanayo shiwaanwa aba Gamaliyeli, umusooleli wa Pedahizuri, uwe mu shikuuka sha Manase.

⁵⁵Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

⁵⁶ni pwakhuli ndweela iye zaabu, nga baakitsusilemo bubaane,

⁵⁷iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁵⁸indurume ndweela lwe khuuwaanibwayo nga shiwaanwa she shishoonako,

⁵⁹ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi shaba shiwaanwa sha Gamaliyeli, umusooleli wa Pedahizuri.

⁶⁰Khu shifukhu she shisyeenda, umuraangilisi uweelakho khuuwaanayo shiwaanwa aaba Abidani, umusooleli wa Gidiyoni, uwe mu shikuuka sha Benyamini.

⁶¹Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi beetsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

⁶²ni pwakhuli ndweela iye zaabu, nga baakitsusilemo bubaane,

⁶³iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁶⁴indurume ndweela lwe khuuwaanibwayo nga shiwaanwa she shishoonako,

⁶⁵ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi shaba shiwaanwa sha Abidani, umusooleli wa Gidiyoni.

⁶⁶Khu shifukhu she likhumi, umuraangilisi uweelakho khuuwaanayo shiwaanwa aba Ahiyezeri, umusooleli wa Amishadaayi, uwe mu shikuuka sha Dani.

⁶⁷Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

⁶⁸ni pwakhuli ndweela iye zaabu, nga baakitsusilemo bubaane,

⁶⁹iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁷⁰indurume ndweela lwe khuuwaanibwayo nga shiwaanwa she shishoonako,

⁷¹ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Ahiyezeri, umusooleli wa Amishadaayi.

⁷²Khu shifukhu she likhumi na shitweela, umuraangilisi uweelakho khuuwaanayo shiwaanwa aba Pagiyeli, umusooleli wa Okurani, uwe mu shikuuka sha Asheri.

⁷³Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

⁷⁴ni pwakhuli ndweela iye zaabu, nga baakitsusilemo bubaane,

⁷⁵iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁷⁶indurume ndweela lwe khuuwaanibwayo nga shiwaanwa she shishoonako,

⁷⁷ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Pagiyeli, umusooleli wa Okurani.

⁷⁸Khu shifukhu she likhumi na bibili, umuraangilisi uweelakho khuuwaanayo shiwaanwa aba Ahira, umusooleli wa Enani, uwe mu shikuuka sha Nafutaali.

⁷⁹Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu,

⁸⁰ni pwakhuli ndweela iye zaabu, nga baakitsusilemo bubaane,

⁸¹iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe,

⁸²indurume ndweela lwe khuuwaanibwayo nga shiwaanwa she shishoonako,

⁸³ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Ahira, umusooleli wa Enani.

⁸⁴Baryo musaambo iyo, baaba nga bawaanayo shisheeso, nga bawaanayo biwaanwa bino, khukhwaama mu baaraangilisi be ba Isiraeli: Tsisowaani tse feetsa likhumi na tsibili, tsikaraaya tse feetsa natso likhumi na tsibili, ni bipwakhuli bye zaabu likhumi na bibili,

⁸⁵nga buli sowaani ndweela iye feetsa yoolamo busiro aambi tsikilo kamakhumi kabili na shinaane, khusiintsila khu bipimo bye mu weema,

⁸⁶ni bipwakhuli bye zaabu likhumi na bibili, nga byetsuulekho bubaane, nga nabyo byoolamo busiro khuubirisa mu kilo ndweela, khusiintsila khu bipimo bye weema,

⁸⁷tsiwuunwa likhumi na tsibili, kamamiiku nako kakaatsowa buulayi likhumi na kabili, ni kamasheese kamaana kakoolesa kumwiiko mutweela nako likhumi na kabili, atweela ni biwaanwa bye biilyo bibyoomu, bibitsiilakho, nga bino byoosi bili bye khukhwoosha busa.

⁸⁸Bibyaayo byoosi bibyaba bye khuuwaanayo nga tsisaayilo tse khuloomba lukoosi tsaba tsoola tsiwuunwa kamakhumi kabili na tsine, kamamiiku kamakhumi kasesaba, tsindurume natso kamakhumi kasesaba, kamasheese kamaana ke kumwiiko mutweela nako kamakhumi kasesaba. Musaambo yino baaba nga babiita shisheeso tsikhabi, baaba nga bashiwaanayo.

⁸⁹Abe buli lweesi Musa enjilila mu Lisari Likhosefu, atsya waakanikha n'Umukasya. Mu bweenemwo abe nimwo mweesi awulilila likono ly'Omukasya nga lyaamila khu ngaaki khwe Sanduuku iye Ndakaano, iyaba akari e bibuumbe bibiili bibyabakho tsindaaha, bibyaba khu shifunikho she Sanduuku khu ngaaki.