Read lumasaaba Malaki 4 Bible Online

Malaki 4 - lumasaaba bible

Malaki 4

¹Umukasya alikho aloma ari, “Shifukhu she khuukhalilakho kimisaango shilikho shiitsa, shikhoole. Abo boosi babeyiingayiinga ni baboonaki, bakhoonakisibwe. Khu shifukhu isho bakhookhebwe ni kumulilo, nio akile ilekhe khubawo kumuli kwaabwe namwe lusakya ta.

²Ne inywe mumuntsisaaya ise, kamaani kaase kakaawonesa kakhaababurukhile inywe nga inyaanga, mumenye aasi e tsisasani tsyayo tsindayi. Mukhesutake busa nga tsimoosi tsindoro tsyeesi balekhuulile khukhwaama mu litaala.

³Umukasya aloma ari, khu shifukhu khweesi akhaakhalilekho kimisaango, inywe bakhosefu mukhaakhandakilile baboonaki aasi e bikele byeenywe, khulwekhuuba bakhaabe busa nga liikoshe.

⁴“Ni mushebulile kamakaambila k'omwakaanisi wase Musa, biilakilo n'indeekela byeesi ise namuweela niye khu lukiingi Horebu, ndi awe ba Isiraeli boosi.

⁵“Bona nga shifukhu isho shishiili khukhwoola ta, ise Umukasya, ikhaabasiindikhile inywe umuŋoosi Eliya.

⁶Niye akhaakile ibewo khuukanana akari e babaana ni ba paapa baabwe, nio akile ise indekhe khukhwiitsa noonakise shibala isho, nga imbirira mu shitsubo ta.”