Read lumasaaba Yoswa 12 Bible Online

Yoswa 12 - lumasaaba bible

Yoswa 12

¹Aabawo bayiinga babili beesi ba Isiraeli baawula shanjelekha we luluutsi Yorudaani. Bayiinga bano baaba bawula shisiintsa khukhwaama mu lukhootsa lwe Litila lya Arinoni, khukhwiikha imwaalo khukhwoola khu Lukiingi Herumoni, khuutubakho ni Bukwanyaanga wa Araba yoosi.

²Mutweela khu bayiinga bano aaba niye Sihoni uwe ba Amori, uwaba awula Heshiboni. Niye aawula khukhwaama i Aroeri khu ndulo khwe litila lya Arinoni, khuutsya khukhwoola khukari kwe luluutsi Yaboko, luluuli khu lwaakha ni ba Amoni, nga mulimo ni shisiintsa sha Gileyadi.

³Sihoni yuno aawula ni bwaamanyaanga we litila lya Yorudaani, khukhwaamila ilala khu nyaantsa Galilaaya, khukhwiikha imwaalo khukhwoola i Besijemosi, mwisina mwe lukiingi Pisiga.

⁴Baatsya ndi bawuli n'umuyiinga Ogo uwe Bashani, nga niye uwaba uwakamayo khu Barefayimu uwawula shisiintsa Ashitarosi ni Edereyi.

⁵Buyiinga bweewe bwaaniina khukhwoola ingaaki khu Lukiingi Herumoni, bwaatsya paka ibwaamanyaanga we shiriimba Saleka, ni khuuyililamo shibala sha Bashani, ni khuutsya khukhwoola khu ntsakha tse buyiinga bwa Geshuri ni Maaka. Buyiinga buno bwayililamo ni ingaaki we shibala sha Gileyadi.

⁶Musa umwakaanisi w'Omukasya aasoolanisa luundi waawula bayiinga baabili bano Sihoni ni Ogo. Lwanyuma lwayo waakabila shibala shino bikuuka bya Rewubeni, Gadi, ni shisiintsa shitweela she shikuuka sha Manase.

⁷Lwanyuma lwayo, Yoswa ni ba Isiraeli baatsya bebwakala luundi baawula bayiinga be bukwanyaanga we Luluutsi Yorudaani, khukhwaamila ilala Baaligadi mu litila lya Lebanoni lilyaba ingaaki we Lukiingi Halaka aambi ni mwaalo we shibala sha Edomu. Yoswa aakabananisamo shibala shino waashiwa bikuuka bya Isiraeli nga buusikha bwaabwe bwa penani.

⁸Bisiintsa bino byayililamo shibala she tsingoongo, ni bikiingi bye bukwanyaanga, ni Litila lya Yorudaani ni bikiingi byamwo, khuutubakho ni Kumubiimbi kwe mwaalo. Yoswa ni ba Isiraeli baabukula shibala shino khukhwaama khu Hiiti, ba Amori, ba Kanaani, ba Perizi, ba Hiivi, ni ba Yebusi. Ba Isiraeli baawula bayiinga be biriimba bino bibyaba ibukwanyaanga wa Yorudaani:

⁹uwe Yeriko, Ai shishaba aambi ni Beseli,

¹⁰uwe Yerusalemu, n'uwe Heburoni,

¹¹uwe Yarimusi, n'uwe Lakishi,

¹²uwe Egiloni, n'uwe Gezeri,

¹³uwe Debiri, n'uwe Gederi,

¹⁴uwe Horuma, n'uwe Aradi,

¹⁵uwe Libuna, n'uwe Adulamu,

¹⁶uwe Makeda, n'uwe Beseli,

¹⁷uwe Tapuwa, n'uwe Heferi,

¹⁸uwe Afeki, n'uwe Lasharoni,

¹⁹uwe Madoni, n'uwe Hazori,

²⁰uwe Shimuroni Meroni, n'uwe Akishafu,

²¹uwe Taanaki, n'uwe Megido,

²²uwe Kedeshi, n'uwe Jokiniyamu khu lukiingi Karumeli,

²³uwe Dori shishaba mu Nafosi Dori, n'uwe Goyimu she mu Galilaaya,

²⁴n'umuyiinga we Tiruza. Boosi khuyilila atweela baaba bayiinga kamakhumi kataru na mutweela.