Read lumasaaba 1 Timosewo 2 Bible Online

1 Timosewo 2 - lumasaaba bible

1 Timosewo 2

¹Nashiryo inoomba ndi, khuunyoowela ilala, mwakaanise kamalilo, ni khuuloomba, ni khukhwikontselela ni khuusiima isi Wele, nga mubikhola khulwe babaandu boosi.

²Mubyakaaniseyo khulwe bayiinga ni naabo boosi babaali mu bifwo bye angaaki mu buwuli, nga mubaloombela nio akile fweesi khunyalise khuuba ni bulamu bulayi, bwe lukoosi, nga bulimo khuurya Wele ni khukhwibirisa bulayi mu buli isaambo yoosi.

³Isho nisho shishiili shilayi, naluundi nisho shishikhoyesa Wele, Umuwonesi weefwe.

⁴Wele akana ari khali babaandu boosi boolile khumanya bya ŋali, naluundi ari khali buli mutweela awonesebwele.

⁵Khulwekhuuba iliwo Wele mutweela yenyene, naluundi iliwo umuundu mutweela yenyene utubaasa Wele ni babaandu, nga niye Kristo Yesu. Yesu uyo ekyela umuundu nio wakhuwonesa ifwe.

⁶Niye ewaanayo nga shishi sikula babaandu boosi. Shino shaba shishiŋaŋasila ilala shiri Wele akana buli mutweela awonesebwe.

⁷Ni lwe ilomo yino, ise narobolewa narumaniwa isi Banaambo, khuuba umurume naluundi umuleekeli uwe kamakhuuwa kamalayi, nga indeekela buurume buno bwe khuufukiilila naluundi bwa ŋali. Ise s'indikho inoma bye bubeeyi ta; indikho inoma bya ŋali.

⁸Ise nikoomba ndi khali mu buli shifwo she khukhwisaayilamo, basaani baloombile nga benyusile kamakhono kaabwe kamakwalaafu mungaaki atweela, akhali khuubawo khuulomana namwe lirima ta.

⁹Naluundi ise naandikoombile indi bakyelema khali bakwaaratsakile bulayi, mu bikwaaro bilayi, nga sibabowile litsuune lyabwe ta, naluundi nga sibakwaara birere bye zaabu, namwe bikwaaro bye bukusi bwe angaaki ta.

¹⁰Nga balooselakho ni buraambi bulayi, ibyo bibyaakhila bakyelema babaafukiilila mu Wele.

¹¹Bakyelema baakhiile beyike nga basilile busa, nga bokesana buwolu nga ni bwakha khuuba.

¹²Ise sinandifukiilile umukyelema yeesi khuuba umuleekeli, namwe khuuba ni bunyala khu basaani taawe; bakyelema bali ni khusila busa.

¹³Khulwekhuuba Wele anyoowa khubuumba Adamu nio welakho Eva.

¹⁴Naluundi akhuba ndi Adamu niye uwawoombesebwa ta, ne njeeba umukyelema niye uwawoombesebwa, nio wakila wafuniaaka likaambila lya Wele.

¹⁵Ne Wele aliwonesa umukhasi khuubirira mu khusaala babaana, naluundi nga welooseele mu khufukiilila ni khuukana, khukhwiwaanayo ni khukhwitsililisa.