Read lumasaaba 2 Yokana 1 Bible Online

2 Yokana 1 - lumasaaba bible

2 Yokana 1

¹Ibaluwa yino yaama isi ise Umusakhulu, nga injironela umukyelema umurobole ni babaana beewe beesi ingana muŋali, akhuba ise senyene ta, ne ni naabo boosi babamanya bwa ŋali.

²Lwekhuuba bwa ŋali ibwo buba mwiifwe, luundi kane bubatsake ni nafwe biilo ni biilo.

³Bubweela, shiisa, ni lukoosi, bibyaama isi Wele Paapa, ni isi Yesu Kristo umwaana wa Paapa, kane bubatsake ni nafwe mu ŋali ni mu khukana.

⁴Ise shayiimba kumwikhoyo naabi ni nanyoola nga batweela khu baana boowo baloondelela bwa ŋali nga Paapa n'akhulomela ifwe.

⁵Ni ana ari, mukyelema we, ikhwikontselela iwe akhuba nga ikhuronela likaambila lishaakha ta, ne njeeba ilyo lyeesi khubeele nalyo khukhwaama makiboole lililoma liri khukananatsake fwenyene na fwenyene.

⁶Ne khuukana nikhwo khuno: khukyeendatsakila mu khuwulila kamakaambila ka Wele. Nga ni mwawulila khukhwaama makiboole, lino nilyo likaambila lyeene; khukyendatsakila mu khukana.

⁷Lwekhuuba babeeyi bakali baarura baatsya mu shiibala, ibo babaakhafukiilisa khukhwiitsa khwa Yesu Kristo mu mubili ta. Umuundu uwe saambo iyo niye umubeeyi luundi umusiku wa Kristo.

⁸Inywe ni mwiyaye mwabeene, nio mulekhe khufiilwa ibyo byeesi mwakholelela ta, ne nio munyoole kumukabo kumwitsufu kumweene.

⁹Buli muundu yeesi uwiraangirisa mu moni ne walekha khurama mu khuleekela khwa Kristo ta, aba s'ali ni Wele ta. Ne uyo urama mu khuleekela khuno aba ali ni Paapa n'Umwaana.

¹⁰Umuundu yeesi n'etsa isi muli, ne walekha khwiitsa ni khuleekela khuno umuundu uyo mukhamwakaanila mu ntsu mweenywe namwe mwamusheesa ta.

¹¹Lwekhuuba uyo yeesi umwakaanila aba wakabananiile atweela ni naye mu biibi byeewe byeesi akhola.

¹²Abe ikhaba nga ndi na bikali bye khukhuronela, sinandikanile khuraambisa lupapula ni bwiino ta, ne nambaasa khukhwiitsa khubabonakho, ni khukanikhakho ni nawe khu moni, nio manya kumwikhoyo kweefwe kwaba kumwitsufu.

¹³Babaana b'omukooko woowo umurobole baakhusheesa.