Read lunyore OKHUCHIAKA 36 Bible Online

OKHUCHIAKA 36 - lunyore bible

OKHUCHIAKA 36

¹Tsino nitsio tsinzibulo tsia Esau, owalangwa khandi Edomu.

²Esau yateesia abakhasi Abakanaani, Ada, omukhaana wa Eloni Omuhiti, nende Oholibama, omukhaana wa Ana omwana wa Sibeoni, Omuhiwi,

³ma nende Basematsi omukhaana wa Ishimaeli mbotsonyene Nebayotsi.

⁴Ada yebula Elifasi, Basematsi niyebula Reueli,

⁵ne Oholibama naye niyebula Yeushi, Yalamu nende Kora. Yaba bosi nibo abasiani ba Esau, ababakhasibe bamwibul'la nali musibala sia Kanaani.

⁶Ma Esau nabukula abakhasibe, abaanabe abasiani nabakhaana, nende abandu bosi abemwitaala, halala nende emirukochie chiosi ma nende emianduchie echiali eminji echiayanyoola musibala sia Kanaani, natsia musibala siehale okhurula khu Yakobo.

⁷Yarula sichila esibala siabalimwo sisiali esiabanyala okhumenyamwo bosi tawe, siali nende emiruko eminji ma sibaali abanyala okhumenya halala tawe.

⁸Ma Esau namenya musibala siebikulu esia Edomu.

⁹Tsino nitsio tsinzibulo tsia Esau, kukanyene Abaedomu.

¹⁰Ada yebula Elifasi ne Basematsi niyebula Reueli.

¹¹Elifasi yali nabasiani barano, Temani, Omari, Sefo, Gatamu nende Kenasi.

¹²Ne okhurula mumukhasi undi Timina yamala niyebula Amaleki.

¹³Reueli naye yali nabaana bane, Nahatsi, Sera, Shama, nende Misa.

¹⁴Oholibama mukha Esau, omukhaana wa Ana wa Sibeoni yebula abaana bataru. Yeushi, Yalamu nende Kora.

¹⁵Tsino nitsio tsinzibulo etsiarula khu Esau. Elifasi, omwana wokhuranga wa Esau yali kukanyene tsinzibulo tsilondakhwo tsino: Temani, Omari, Sefo, Kenasi,

¹⁶Kora, Gatamu, nende Amaleki. Bano bosi nolwibulo lwarula mu Ada mukha Esau.

¹⁷Omwana wa Esau owalangwa Reueli yali kukanyene tsinzibulo tsilondakhwo tsino: Nahatsi, Sera, Shama, nende Misa. Bano bosi nolwibulo lwarula mu Basematsi mukha Esau.

¹⁸Tsinzibulo tsilondakhwo tsino natsio tsiarula mu Oholibama mukha Esau, omukhaana wa Ana: Yeushi, Yalamu, nende Kora.

¹⁹Tsinzibulo tsino tsiosi tsiarula khu Esau.

²⁰Abaana ba Seiri Omuhori, beene esibala sia Edomu bebulwa mutsinzibulo tsilondakhwo tsino: Lotani, Shobali, Sibeoni, Ana,

²¹Dishoni, Eseri nende Dishani.

²²Lotani naye yali kukanyene ebilibwa bia Hori nende Hemani. Lotani yali na mbotsonyene owalangwa Timina.

²³Shobali yali kukanyene ebilibwa bia Alawali, Manahatsi, Ebali, Shefo nende Onamu.

²⁴Sibeoni yali nabasiani babili, Aya nende Ana. Ana niye owanyoola esitaho siamaatsi amayu musitsiimi olwa yali niyayanga etsipunda tsia samwana.

²⁵Ana yali samwana Dishoni

²⁶naye niyebula Hemedani, Eshebani, Itsirani nende Cherani.

²⁷Eseri yali kukanyene ebilibwa bia Bilihani, Saawali nende Akani.

²⁸Dishani yali kukanyene ebilibwa bia Usi nende Arani.

²⁹Tsino netsinzibulo etsiarula mu Babahori abomusibala sia Edomu: Lotani, Shobali, Sebeoni, Ana,

³⁰Dishoni, Eseri nende Dishani.

³¹Bano nibo abaruchi abaruka esibala sia Edomu omuruchi undi wosi nasili okhurukakhwo abaana ba Isiraeli tawe.

³²Bela omusiani wa Beori okhurula Dinihaba.

³³Olwa yafwa, Yobabu omusiani wa Sera okhurula Bosora yaruka.

³⁴Olwa Yobabu yafwa ne Hushamu okhurula Temani naruka.

³⁵Olwa Hushamu yafwa, Hadadi omusiani wa Bedadi okhurula Awitsi, owaleka Midiani musitsiimi sia Moabu, yaruka musilenjesie.

³⁶Olwa Hadadi yafwa, Samula okhurula Masireka naruka musilenjesie.

³⁷Samula olwa yafwa, Shauli okhurula Rehobotsi khumuchela kwa Efurate yaruka.

³⁸Olwa Shauli yafwa ne Bali Hanani omusiani wa Akibori naruka musilenjesie.

³⁹Olwa Bali Hanani yafwa, Hedari okhurula Dau owomukhasiwe owalangwa Mehetabeli omukhaana wa Metaredi, omwitsukhulu wa Mesahabu, naruka musilenjesie.

⁴⁰Kano niko amera kabemeli betsinzibulo etsiarula khu Esau, okhulondokhana khubilibwa biabwe, nende habundu habwe okhulondokhana obwa amera kabwe kali: Timina, Aliwa, Yetsetsi,

⁴¹Oholibama, Ela, Pinoni,

⁴²Kenasi, Temani, Mibisari,

⁴³Magadieli nende Iramu.