Read lunyore OKHUCHIAKA 5 Bible Online

OKHUCHIAKA 5 - lunyore bible

OKHUCHIAKA 5

¹Kano niko amera ketsinzibulo tsia Adamu. Olwa Nyasaye yalonga omundu yamulomba mukhufwana khukhwe omwene.

²Yabalonga omusaatsa nende omukhasi, nabalaamila ikhabi ma nabakulikha “Abandu.”

³Olwa Adamu yali nemihika emia ndala nende amakhumi kataru yebula omwana owafwanana n'naye ma namukulikha Setsi.

⁴Adamu yamala emihika etsimia munane namal'le okhunyoola Setsi, ma nanyoola abaana bandi khandi, abasiani nende abakhaana.

⁵Yafwa nali nende emihika etsimia tsirano nachine nende amakhumi kataru.

⁶Olwa Setsi yali nemihika emia ndala nende chirano yanyoola omwana owalangwa Enoshi,

⁷ma namenya emihika chindi etsimia munane nachine nachitaru. Yanyoola abaana bandi,

⁸ma nafwa nali nende emihika etsimia tsirano natsine nende likhumi nachibili.

⁹Olwa Enoshi yali nemihika amakhumi karano nakane yanyoola omwana owalangwa Kenani,

¹⁰ma namenya emihika chindi etsimia munane nende likhumi nachirano. Yanyoola abaana bandi,

¹¹ma nafwa nali nende emihika etsimia tsirano natsine nende chirano.

¹²Olwa Kenani yali nemihika amakhumi kane nakataru, yanyoola omwana owalangwa Mahalaleli,

¹³ma namenya emihika chindi etsimia munane nende amakhumi kane. Yanyoola abaana bandi.

¹⁴Ma nafwa nali nende emihika etsimia tsirano natsine nelikhumi.

¹⁵Olwa Mahalaleli yali nende emihika amakhumi kasasaba nachirano yanyoola omwana owalangwa Yaredi,

¹⁶ma namenya emihika chindi etsimia munane namakhumi kataru. Yanyoola abaana bandi,

¹⁷ma nafwa nali nende emihika etsimia munane nende amakhumi karano nakane nachirano.

¹⁸Olwa Yaredi yali nende emihika emia ndala nende amakhumi kasasaba nachibili yanyoola omwana owalangwa Enoka,

¹⁹ma namenya emihika chindi etsimia munane. Yanyoola abaana bandi,

²⁰ma nafwa nali nende emihika etsimia tsirano natsine nende amakhumi kasasaba nachibili.

²¹Olwa Enoka yali nende emihika amakhumi kasasaba nachirano yanyoola omwana owalangwa Metsusela.

²²Olunyuma lwokhwibula omwana uyo, Enoka yamenya mubulala na Nyasaye emihika etsimia tsitaru ma nanyoola abaana bandi.

²³Yamenya emihika etsimia tsitaru nende amakhumi kasasaba nachirano.

²⁴Yamenya obulamubwe bwosi mubulala nende Nyasaye ma narulaho sichila Nyasaye yamubukula.

²⁵Olwa Metsusela yali nende emihika emia ndala nende amakhumi munane nende chine nachitaru yanyoola omwana owalangwa Lameki,

²⁶ma namenya emihika chindi etsimia tsirano natsine nende amakhumi munane nachibili. Yanyoola abaana bandi,

²⁷ma nafwa nali nende emihika etsimia tsirano natsine nende amakhumi kasasaba nachirano nachine.

²⁸Olwa Lameki yali nende emihika emia ndala nende amakhumi munane nachibili yanyoola omwana omusiani.

²⁹Namukulikha Noa, naboola mbu, “Okhurula khwiloba lio MWAMI yalaama, omwana uno nakhuleminjie emioyo mumilimo chiamakhono kefwe.”

³⁰Lameki yamala namenya emihika chindi etsimia tsirano nende amakhumi karano nakane nachirano. Yanyoola abaana bandi

³¹ma nafwa nali nende emihika etsimia tsine natsitaru nende amakhumi kane nakataru nende chine nachitaru.

³²Olwa Noa naye yali nende emihika etsimia tsirano yanyoola abaana bataru Shemu, Hamu nende Yafetsi.