Read lunyore 1 AKETSINYINGA 1 Bible Online

1 AKETSINYINGA 1 - lunyore bible

1 AKETSINYINGA 1

¹Adamu yali samwana Setsi, ne Setsi yali samwana Enoshi, ne Enoshi yali samwana Kenani,

²ne Kenani yali samwana Mahalaleli, ne Mahalaleli yali samwana Yaredi.

³Yaredi yali samwana Enoka, ne Enoka yali samwana Metsusela, ne Metsusela yali samwana Lameki,

⁴ne Lameki yali samwana Noa. Noa yali nabasiani bataru: Nabo bali Shemu, Hamu nende Yafetsi.

⁵Abasiani ba Yafetsi bali: Komeri, Makoku, Madai, Yafani, Tubali, Mesheki nende Tirasi — nibo abali abakukanyene abandu balangwanga amera yako.

⁶Abolwibulo lwa Komeri bali abandu ba Ashikenasi, Difatsi nende Tokama.

⁷Abolwibulo lwa Yafani bali abandu ba Elisha, Tarishishi, Kitimu nende Rodanimu.

⁸Abasiani ba Hamu bali abakukanyene babandu abamenyanga Kushi, Misiri, Libia nende Kanaani.

⁹Abolwibulo lwa Kushi bali abandu ba Seba, hawila, Sabutaa, Raama nende Sabuteka. Abolwibulo lwa Raama bali abandu ba Sheba nende Dedani.

¹⁰(Kushi yali nomusiani owalangwa Nimurodi owali omundu wokhurunga omukufu okhusila khusibala.)

¹¹Abolwibulo lwa Abaamisiri bali abandu ba Ludia, Anamu, Lehabu, Nafutuha,

¹²Patsurusi, Kasiluha nende Kurete (Owebula abandu ba Filisiti.)

¹³Abasiani ba Kanaani bali Sidoni, Omusiani mukhulundu nende Hetsi; nibo abali abakukanyene abandu balangwanga amera kabwe.

¹⁴Kanaani yali khandi kukanyene Abayebusi, Abaamori, Abakirikashi,

¹⁵Abahiwi, Abaariki, Abasini,

¹⁶Abaariwade, Abasemari nende Abahamu.

¹⁷Abasiani ba Shemu bali Elamu, Ashuru, Aripakishadi, Ludi, Aramu, Usi, Huli Ketseri nende Mesheki; nibo abali abakukanyene abandu balangwanga amera kabwe.

¹⁸Aripakishadi yali samwana Sela owali samwana Eberi.

¹⁹Eberi yali nabasiani babili. Mulala khubo yalangwa Peleki, sichila mumatukhu kaake abandu bomusibala bali nibabukhanibwa. Omusiani wa Eberi undi yalangwa Yokitani.

²⁰Abolwibulo lwa Yokitani bali abandu ba Alimodadi, Seleti, Hasamafetsi, Yera,

²¹Hadoramu, Usali, Dikilahi,

²²Ebeli, Abimaeli, Sheba,

²³Ofiri, Hawila nende Yobabu.

²⁴Obulondokhani bwobwibulani okhurula khu Shemu okhwola khu Aburahamu khuli singa mbu: Shemu, Arapakashadi, Sela,

²⁵Eberi, Peleki, Reu,

²⁶Seruki, Nahori, Tera,

²⁷nende Aburamu (khandi yalangwanga Aburahamu)

²⁸Aburahamu yali nabasiani babili, Isaka nende Eshimaeli.

²⁹Abasiani ba Eshimaeli bali abemeli betsinzibulo likhumi natsibili: Nabayotsi (Omusiani wambeli wa Eshimaeli), Kedari, Adibeeli, Mibisamu,

³⁰Mishima, Dumahi, Masa, Hadadi, Tema,

³¹Yeturi, Nafishi nende Kedema.

³²Aburahamu yali nomukhasi om'biikha owalangwa Ketura, owamwibul'la abasiani basasaba: Simurani, Yokisani, Medani Midiani, Ishibaki nende Shua. Yokisani yebula abasiani babili: Sheba nende Dedani.

³³Midiani yebula abasiani barano: Efa, Eferi, Hanoki, Abida nende Elidaa.

³⁴Omusiani wa Aburahamu olangwa Isaka yebula abasiani babili, Esau nende Yakobo.

³⁵Abasiani ba Esau bali Elifasi, Reueli, Yeushi, Yalamu nende Kora.

³⁶Elifasi yali kukanyene tsinzibulo tsino: Temani, Omari, Sefi, Katamu, Kenasi, Timuna, nende Amaleki.

³⁷Ne Reueli, yali kukanyene tsinzibulo tsino, Nahatsi, Sera, Shama nende Misa.

³⁸Abasiani ba Seiri bali Lotani, Shobali, Sipioni, Ana, Dishoni, Eseri nende Dishani.

³⁹Abasiani ba Lotani bali: Hori nende Homamu. Timuna yali mbotso Lotani,

⁴⁰Abasiani ba Sobali bali Aliwani, Manahatsi, Ebali, Sefo nende Onamu. Abasiani ba Sipioni bali Aya nende Ana.

⁴¹Omusiani wa Ana yali Dishoni. Abasiani ba Dishoni bali Hamurani, Esibani, Itsirani nende Kerani,

⁴²abasiani ba Eseri bali Bilihani, Saawani nende Yakani. Abasiani ba Dishani bali Usi nende Arani.

⁴³Bano nibo abaruchi abaamihanga musibala sia Edomu nibalondananga mumatukhu ka Baisiraeli bali nibasili okhuba nende abaruchi. Bela omusiani wa Beori okhurula Dinihaba.

⁴⁴Inyuma wokhufwa khwa Bela, Yoabu omusiani wa Sera okhurula Bosira yamiha musilenjesie.

⁴⁵Yoabu namal'le okhufwa, Hushamu okhurula mulukongo lwa Temani yamiha musilenjesie.

⁴⁶Hushamu namal'le okhufwa Hadadi omusiani wa Bedadi okhurula Afitsi yamiha musilenjesie, (ye yali khuleka Abaamidiani musibala sia Moabu.)

⁴⁷Hadadi namal'le okhufwa Samula okhurula Masirekahi yamala yamihe. Samula namal'le okhufwa,

⁴⁸Shauli okhurula Rehobotsi khumuchela yamala yamihe.

⁴⁹Shauli namal'le okhufwa Baali Hanani okhurula Akuri, yamiha musilenjesie.

⁵⁰Baali Hanani namal'le okhufwa, Hadadi okhurula Pau yamiha musilenjesie. Ne omukhasiwe yalangwa mbu Mehetabeli omukhaana wa Matredi omwitsukulu wa Mesahabu. Olunyuma Hadadi afwe.

⁵¹Abandu ba Edomu bali mutsinzibulo tsino: Timuna, Aluva, Yetsetsi,

⁵²Oholibama, Ela Pinoni,

⁵³Kenasi, Temani, Mibisa,

⁵⁴Magadieli nende Iramu.