Read lunyore 1 AKETSINYINGA 2 Bible Online

1 AKETSINYINGA 2 - lunyore bible

1 AKETSINYINGA 2

¹Yakobo yebula abasiani likhumi nababili. Nabo bali Rubeni, Simioni, Lawi, Yuda, Isakari, Sabuloni,

²Dani, Yosefu, Benjameni, Nafutali, Gadi nende Asheri.

³Yuda yali nabasiani barano bonyene. Omukhasiwe, olangwanga Batsishua, omukhaana Omukanaani yebula abasiani bataru. Nabo bali Eri, Onani nende Shela. Eri, omusianiwe omukhulundu yali omundu omubi okhusila ma nikachila OMWAMI namwira.

⁴Yuda yebula abasiani bandi babili mu Tamari, omukhasi womusianiwe. Nabo bali Peresi nende Sera.

⁵Peresi yali nabasiani babili, Hesironi nende Hamuli.

⁶Omusiani wabwe olwangwanga Sera yali nabasiani barano. Nabo bali Simiri, Etsani, Hemani, Kalikoli nende Darida.

⁷Akani omusiani wa Karimi, mulala khubolwibulo lwa Sera, niye owaleera linyakhano khubandu ba Isiraeli khulwo khubiikha emiandu chiabayaaka echiali nichihan'nwe khu Nyasaye.

⁸Etsani yali nomusiani mulala owalangwa, Asaria.

⁹Hesironi yali nabasiani bataru, nabo bali Yerahimeli, Ramu nende Kalebu.

¹⁰Amera kabandu betsinzibulo okhurula khu Ramu okhwola khu Yese bali singa mbu: Ramu, Aminadabu, Nashoni (Omundu woluyali mulwibulo lwa Yuda)

¹¹Salumoni, Boasi,

¹²Obedi nende Yese.

¹³Yese yali nabasiani bane nabataru. Okhulondokhana khumihika chiabwe bali singa mbu: Eliabu, Abinadabu, Shama,

¹⁴Natsanieli, Radai,

¹⁵Osemu nende Daudi.

¹⁶Khandi yali nabakhaana babili; nabo bali Seluya nende Abigaeli. Omukhaana wa Yese olangwa Seluya yali nabasiani bataru: Abisai, Yoabu nende Asaheli.

¹⁷Omukhaana uwe undi olangwa Abigaeli yateesibwa nende Yetseri, owolwibulo lwa Eshimaeli ne bebula omusiani walangwa Amasa.

¹⁸Omusiani wa Hesironi olangwa Kalebu yateesia omukhaana olangwa Asuba ne yebula omukhaana owalangwa Yeriotsi. Yanyola abasiani bataru: Yesheri, Shobabu nende Aridoni.

¹⁹Asuba namal'le okhufwa, Kalebu yateesia Efuratsa ma nibebula omusiani owalangwa Huri.

²⁰Omusiani wa Huri yalangwa Uri ne omwitsukhuluwe nalangwa Besaleli.

²¹Olwa Hesironi yoola emihika amakhumi kasasaba yateesia omukhaana wa makiri mbotso nyene Gileadi. Bebula omusiani olangwa Sekubu,

²²ne Sekubu yebula omusiani awalangwa Yairi. Yairi yamiha khumatookho amakhumi kabili nakataru mulukongo lwa Gileadi.

²³Nebutswa amahanga ka Geshuru nende Aramu nikaleka amatookho amakhumi kasasaba ebwene iyo halala namataala ka Yairi nende Kenatsi nende amataala kandi akali ahembi. Abandu abamenyanga ebwene iyo bali abolwibulo lwa Makiri samwana Gileadi.

²⁴Hesironi namal'le khufwa, omusiani uwe Kalebu yakalusia Efuratsa, omukhasi omulekhwa wa samwana. Bebula n'naye omusiani owalangwa Ashihuri, owachaakia litaala lia Tekoa.

²⁵Yerahimeli, omusiani mukhulundu wa Hesironi yali nabasiani barano: Ramu omusiani mukhulundu, Buna, Oreni, Osemu nende Ahija.

²⁶Yerahimeli yali nomukhasi undi owalangwa Atara; naye yali nyina Onamu.

²⁷Abasiani ba Ramu omusiani mukhulundu wa Yerahimeli bali Maasi, Yamini nende Ekeri.

²⁸Onamu yali nabasiani babili: Shamai nende Yuda ne Shamai yali nabasiani babili, Nadabu nende Abishuri.

²⁹Abishuri yateesia omukhasi walangwa Abihaili ne bebula abasiani babili: Ahabani nende Molidi.

³⁰Omusiani wanga Abishuri owalangwa Nadabu yali nabasiani babili, Seledi nende Apaimu, nebutswa Seledi yafwa naranyolakhwo omusiani wosi tawe.

³¹Apaimu yali samwana Isi. Isi yali samwana Shesihani ne Shesihani naba samwana Ahiali.

³²Yuda, omusiani wanga Shamai, yali nabasiani babili, Yetseri nende Yonatsani, nebutswa Yetseri yafwa nasili okhunyoolakhwo omusiani wosi.

³³Yonatsani yali nabasiani babili, Peletsi nende Sesa. Yaba bosi bali abolwibulo lwa Yerahimeli.

³⁴Shesihani siyalikhwo nomusiani wosi tawe. Yebula abakhaana bonyene. Yali nomurumikhili Omumisiri owalangwa Yariha,

³⁵owa yahelesia mulala khubakhaana baabe mbu amuteesie. Bebula omusiani owalangwa Atayi.

³⁶Obulondokhani bwobwibulani bwabwe okhurula khu Atayi okhwola khu Elishama buli singa mbu: Atayi, Natsani, Sabadi,

⁴¹Yekamia nende Elisama.

⁴²Kalebu, amwabo Yerahimeli yali nomusiani omukhulundu owalangwa mbu Mesa. Mesa yali samwana Sifu, owali samwana Maresahi owali samwana Heburoni.

⁴³Heburoni yali nabasiani bane. Nabo bali Kora, Tapua, Rekemu nende Shema.

⁴⁴Shema yali samwana Rahamu khandi kukanyene Yorikeamu. Rekemu amwabo Shema yali samwana Shamai,

⁴⁵owali samwana Maoni, owali samwana Betsisuri.

⁴⁶Kalebu yali nomukhasi om'biikha owalangwa Efa, owa yebula n'naye abasiani bandi bataru: Harani, Mosa nende Gasesi. Harani yebula omusiani walangwa Gasesi

⁴⁷(Omundu owalangwa Yahidai yebula abasiani basasaba: Regemu, Yotsamu, Geshani, Peleti, Efa nende Shafi)

⁴⁸Kalebu yali nende omukhasi om'biikha undi, owalangwa Makayi, owali okhumwibul'la abasiani babili mbu Sheberi nende Tirihana.

⁴⁹Olunyuma omukhasi om'biikha uyo yameeta abasiani bandi babili: Shafi owali okhuchiakia litaala lia Madimana: nende Shewa owali okhuchiakia amataala ka Machibena nende Gibea. Okhumeeta khubene yabo, Kalebu yali nomukhaana owalangwa Akisa.

⁵⁰Abalondakhwo bano nibo abolwibulo lwa Kalebu: Huri niye owali omusiani mukhulundu wa Kalebu ne omukhasi uwe yali Efurate. Omusiani wa Huri owalangwa Shobali niye owachaakia litaala lia Kiriatsi Yearimu.

⁵¹Omusiani uwe owakhabili owalangwa Salima niye owachaakia litaala lia Betselehemu ne omusianiwe wakhataru owalangwa Harefi nachaakia litaala lia Betsigaderi:

⁵²Shobali, owachaakia litaala lia Kiriatsi Yearimu, yali kukanyene abandu ba Haroe abali enusu yabandu abamenya Menuhotsi,

⁵³nende ebilibwa ebiamenyanga mu Kiriatsi Yearimu bino: Itsiri, Putsi, Shumatsi nende Mishiri. (Abandu bomumatookho ka Sora nende Eshitaoli bali abebilibwa yibio.)

⁵⁴Salima, owachaakia litaala lia Betselehemu, yali kukanyene abandu ba Netofatsi, nende abandu ba Betsi Yoabu nende abandu ba Sori abali silala khubilibwa b'bili ebiali mu Manahatsi.

⁵⁵(Abebilibwa bilondakhwo bino abali nibamanya okhuhandika nende okhukalukhila mubuhandike bamenyanga mwitaala lia Yabeshi: Abatiratsi, Abashimetsi, nende Abasukatsi.)