Read lunyore 1 AKETSINYINGA 3 Bible Online

1 AKETSINYINGA 3 - lunyore bible

1 AKETSINYINGA 3

¹Kano niko amera kabasiani ba Daudi yebula nali Heburoni: Omusiani mukhulundu yalangwa Aminoni ne nyina uwe yali Omuhinoamu okhurula Yesereli. Owakhabili yalangwa Danieli ne nyinawe yalangwanga Abigaeli okhurula Karimeli.

²Omusiani wakhataru yalangwa Abisalomu, ne nyinawe yalangwanga Maaka, omukhaana wa Tulumai, omuruchi wa Geshuru. Omusiani wakhane yalangwa Adoniya, ne nyinawe yalangwa Hakitsi.

³Omusiani wa kharano yalangwa Shefatia ne nyinawe yalangwanga Abitali. Omusiani wa khasasaba yalangwa Itsureamu ne nyinawe yalangwanga Ekila.

⁴Yaba bosi basasaba bebulwa olwa Daudi yali namenyele Heburoni aha yali khwamiha khulwemihika tsine natsitaru nemiesi chisasaba. Daudi yali omuruchi mu Yerusalemu khulwemihika amakhumi kataru natsitaru

⁵ma niyebula abasiani abenji. Omukhasiwe Berisheba, omukhaana wa Amieli, yamwibul'la abasiani bane. Nabo bali, Shimea, Shobabu, Natsani nende Solomoni.

⁶Yali nende abasiani bandi barano nabane. Ibiha, Elishua, Elipeleti,

⁷Noga, Eliada, Nefeki, Yafia,

⁸Elishama, Eliada nende Elifeleti.

⁹Okhumeeta khubasiani yabo, Daudi yali khwibula abasiani bandi okhurula mu bakhasi babiikha. Khandi yali nomukhaana walangwa Tamari.

¹⁰Buno nibwo obulondokhani bwolwibulo lwa Solomoni. Solomoni, yali samwana Rehoboamu, owali samwana Abiya, owali samwana Asa, owali samwana Yehoshafati,

¹¹owali samwana Yehoramu, owali samwana Ahasia, owali samwana Yoashi,

¹²owali samwana Amasia, owali samwana Usia, owali samwana Yotsamu.

¹³Yotsamu yali samwana Ahasi, owali samwana Hesekia, owali samwana Manase,

¹⁴owali samwana Amoni nende Yosia.

¹⁵Yosia yali nabasiani bane: Yohanani, Yehoyakimu, Sedekia nende Yoahasi,

¹⁶Yehoyakimu yebula abasiani babili Yehoyakini nende Sedekia.

¹⁷Bano nibo abolwibulolwomuruchi Yehoyakini, owabandu ba Babulonia bali okhura mububohe: Yehoyakini yali nabasiani bane nabataru: Shealitieli,

¹⁸Malikiramu, Pedaya, Shenasa, Yekamia, Hoshama nende Nedabia.

¹⁹Pedaya yali nabasiani babili, Serubabeli nende Shimei. Serubabeli yali nabasiani babili: Meshulamu nende Hanania halala nomukhaana mulala Shelomitsi.

²⁰Yali nabasiani bandi barano: Hashuba, Oheli, Berekia, Hasadia, nende Yushabu Hesedi.

²¹Hanania yali nabasiani babili, Peletia nende Yeshaya. Yeshaya yali samwana Refaya, owali samwana Arimani, owali samwana Obadia, owali samwana Shekania.

²²Shekania yali nomusiani mulala, owalangwa Shemaya halala nabetsukhulu barano: Hatushi, Igali, Bari, Nearia nende Safati.

²³Nearia yali nabasiani bataru: Elioenai, Hesekia nende Asirikamu.

²⁴Elioenai yali nabasiani bane nabataru: Hadafia, Eliashibu, Peleya, Akubu, Yohanani, Delaya nende Anani.