Read lunyore 1 AKETSINYINGA 6 Bible Online

1 AKETSINYINGA 6 - lunyore bible

1 AKETSINYINGA 6

¹Lawi yebula abasiani bataru: Gerishoni, Kohatsi nende Merari.

²Kohatsi yebula abasiani bane: Amuramu, Isiha, Heburoni nende Usieli.

³Amuramu yali nabasiani babili: Haruni nende Musa. Khandi yali nomukhaana mulala owalangwa Miriamu. Haruni yali nabasiani bane: Nadabu, Abihu, Eliasa nende Itsamari.

⁴Abolwibulo lwa Eliasa balondokhana singa mbu: Eliasa yali samwana Fenihasi, ne Fenihasi yali samwana Abishua,

⁵ne Abishua yali samwana Buki, ne Buki yali samwana Usi,

⁶ne Usi yali samwana Serahaya, ne Serahaya yali samwana Merahotsi,

⁷ne Merahotsi yali samwana Amaria, ne Amaria yali samwana Ahitubu,

⁸ne Ahitubu yali samwana Sadoku, ne Sadoku yali samwana Ahimasi,

⁹ne Ahimasi yali samwana Asaria, ne Asaria yali samwana Yohanani

¹⁰ne Yohanani yali samwana Asaria (niye owali omurumikhili mu Hekalu eyomuruchi Solomoni yombokha Yerusalemu).

¹¹Asaria yali samwana Amaria, ne Amaria yali samwana Ahitubu,

¹²ne Ahitubu yali samwana Sadoku, ne Sadoku yali samwana Shalumu,

¹³ne Shalumu yali samwana Hilikia, ne Hilikia yali samwana Asaria,

¹⁴ne Asaria yali samwana Seraya, samwana Yehosadaki.

¹⁵Omuruchi Nebukadinesa yatisia Yehosadaki nende abandu bandi ba yuda nende Yerusalemu abo MWAMI yatisia okhutsia musibala sindi.

¹⁶Lawi yali nabasiani bataru: Gerishomu, Kohatsi nende Merari.

¹⁷Buli mulala khubo yebula abasiani. Gerishomu yali samwana Libini nende Shimei.

¹⁸Kohatsi yali samwana Amuramu, Isiha, Heburoni, nende Usieli;

¹⁹ne Merari yali samwana Mahili nende Mushi.

²⁰Bano nibo abali abolwibulo lwa Gerishomu mubulondokhani bwobwibulani bwabwe: Gerishomu yali samwana Libini, ne Libini yali samwana Yahatsi, ne Yahatsi yali samwana Sima,

²¹ne Sima yali samwana Yoa, ne Yoa yali samwana Ido, ne Ido yali samwana Sera, owali samwana Yeatserai.

²²Abolwibulo lwa Kohatsi bali singa mbu: Kohatsi yali samwana Aminadabu, ne Aminadabu yali samwana Kora, ne Kora yali samwana Asiri,

²³ne Asiri yali samwana Elikana, ne Elikana yali samwana Ebiasafu, ne Ebiasafu yali samwana Asiri,

²⁴ne Asiri yali samwana Tahatsi, ne Tahatsi yali samwana Urieli, ne Urieli yali samwana Usia, ne usia yali samwana Shauli.

²⁵Elikana yali nabasiani babili Amasa, nende Ahimotsi.

²⁶Abolwibulo lwa Ahimotsi bali singa mbu; Ahimotsi yali samwana Elikana, ne Elikana yali samwana Sofai, ne Sofai yali samwana Nahatsi,

²⁷ne Nahatsi yali samwana Eliabu, ne Eliabu yali samwana Yerohamu, owali samwana Elikana.

²⁸Samweli yali nabasiani babili: Yoeli omusiani mukhulundu ne Abicha, omusiani mutu.

²⁹Abolwibulo lwa Merari bali singa mbu: Merari yali samwana Mahili, ne Mahili yali samwana Libini, ne Libini yali samwana Shimei, ne Shimei yali samwana Usa,

³⁰ne Usa yali samwana Shimea, ne Shimea yali samwana Hakia, owali samwana Asaya.

³¹Abalondakhwo bano nibo abomuruchi Daudi yela okhusinjil'la obwembi habundu hokhwekayakayila mu Yerusalemu olwe Lisanduku lie Indakano liali nilileer'rwe Yerusalemu.

³²Batiyanga Mwiheema liokhubaho khwo OMWAMI olwe inyinga ya buli mundu yali niyol'le amatukhu ka Solomoni yali nasili okhwombokha Ehekalu.

³³Abandu abatiyanga habundu hokhwekayakayila nende abasiani babwe mbabano: Abesilibwa sia Kohatsi: Hemani yali omwana wa Yoeli, ne Yoeli yali omwana wa Samweli,

³⁴ne Samweli yali omwana wa Elikana, ne Elikana yali omwana wa Yerohamu, ne Yerohamu yali omwana wa Elieli, ne Elieli yali omwana wa Toa,

³⁵ne Toa yali omwana wa Sufu, ne Sufu yali omwana wa Elikana, ne Elikana yali omwana wa Mahatsi, ne Mahatsi yali omwana wa Amasai,

³⁶ne Amasai yali omwana wa Elikana, ne Elikana yali omwana wa Yoeli, ne Yoeli yali omwana wa Asaria, ne Asaria yali omwana wa Sefania,

³⁷ne Sefania yali omwana wa Tahatsi, ne Tahatsi yali omwana wa Asiri, ne Asiri yali omwana wa Ebiasafu, ne Ebiasafu yali omwana wa Kora,

³⁸ne Kora yali omwana wa Isihari, ne Isihari yali omwana wa Kohatsi, ne Kohatsi yali omwana wa Lawi, owali omwana wa Yakobo.

³⁹Asafu niye owali omwemeli wabembi bakhabili. Abolwibulo lulwe balondokhana mubwibulani okhurula khu Lawi singa mbu: Asafu yali omwana wa Berekia, ne Berekia yali omwana wa Shimea,

⁴⁰ne Shimea yali omwana wa Mikaeli ne Mikaeli yali omwana wa Baseya, ne Baseya yali omwana wa Malikiya,

⁴¹ne Malikiya yali omwana wa Etsini, ne etsini yali omwana wa Sera, ne Sera yali omwana wa Adaya,

⁴²ne Adaya yali omwana wa Etsani, ne Etsani yali omwana wa Sima, ne Sima yali omwana wa Shimei,

⁴³ne Shimei yali omwana wa yahatsi, ne Yahatsi omwana wa Gerishoni, owali omwana wa Lawi.

⁴⁴Etsani wolwibulo lwa Merari yali omwemeli wabembi bakhataru. Abolwibulo lulwe balondokhana mubwibulani okhurula khu Lawi singa mbu: Etsani yali omwana wa Kishi, ne Kishi yali omwana wa Abudi, ne Abudi yali omwana wa Maluki,

⁴⁵ne Maluki yali omwana wa Hashabia, ne Hashabia yali omwana wa Amasia, ne Amasia omwana wa Hilikia,

⁴⁶ne Hilikia omwana wa Amusi, ne Amusi yali omwana wa Bani, ne Bani yali omwana wa Shemeri,

⁴⁷ne Shemeri yali omwana wa Mahili, ne Mahili yali omwana wa Mushi, ne Mushi yali omwana wa Merari, ne Merari yali omwana wa Lawi.

⁴⁸Abalawi basiabwe bandi bali khuhebwa emilimo chindi chiokhukhola habundu hokhwekayakayila.

⁴⁹Haruni nende abolwibulo lulwe bahaananga obwali nende emisango etsiasambilungwa khulusambwa. Nibo abahebwa omulimo kwobwekayakayi bwosi Habundu Hatsienukhu nende okhuhaana emisango khu Nyasaye khulwa Isiraeli okhulekhelwa tsimbi. Bakholanga yaka kosi okhulondokhana nende amalako aka Musa, Omurumikhili wa Nyasaye yahaana.

⁵⁰Buno nibwo obulondokhani bwamera kabobwibulani bwa Haruni: Haruni yali samwana Eliesa, ne Eliesa yali samwana Fenihasi, ne Fenihasi yali samwana Abishua,

⁵¹ne Abishua yali samwana Buki, ne Buki yali samwana Usi, ne Usi yali samwana Serahaya,

⁵²ne Serahaya yali samwana Merayotsi, ne Merayotsi yali samwana Amaria, ne Amaria yali samwana Ahitubu,

⁵³ne Ahitubu yali samwana Sadoku, owali samwana Ahimasi.

⁵⁴Sino nisio esitonye sieliloba esiahanwa khubolwibulo lwa Haruni abesilibwa sia Kohatsi. Bahebwa omukabwa kwokhuranga kweliloba eliahanwa khu Balawi.

⁵⁵Litookho lia Heburoni musibala sia Yuda nelala khukahebwa abolwibulo lwa Kohatsi halala neliloba liobwayilo elili ahembi n'nalio.

⁵⁶Emikunda nende amataala akali ahembi khwitookho yilio kahebwa Kalebu omusiani wa Yefune.

⁵⁷Amataala kalondakhwo kano kahanwa khubolwibulo lwa Haruni. Heburoni litookho[2] liokhwilukhilamwo khulwo mulembe, Yatiri nende amataala ka Libuna nende obwayilo bwako, nende Eshitemoa.

⁵⁸Hileni nende obwayilo bwalio,

⁵⁹Debiri nende obwayilo bwalio, Ashani nende obwayilo bwalio nende Betsi Shemeshi nobwayilo bwalio.

⁶⁰Musibala sia Benjameni, Abakohatsi bahebwa amataala kano nende obwayilo bwako: Geba, Alemetsi nende Anatsotsi. Kosi halala kali amataala likhumi nakataru khulwo okhumenyamwo nende abetsinyumba tsiabwe tsiosi.

⁶¹Amataala likhumi musibala siabandu ba Manase bemasaba kahanwa khubandu bandi besilibwa sia Kohatsi nibarumikhilanga imbulu khubuli inyumba.

⁶²Ne abesilibwa sia Gerishoni buli inzu yakabul'lwa amataala likhumi nakataru musibala sia Isakari, Asheri, Nafutali nende enusu yabandu ba Manase bebukwe abamenyanga Bashani.

⁶³Munjila ndelwa yiyo, amataala likhumi nakabili mulusoma lwa Rubeni, Gadi nende Sabuloni kahanwa khubesilibwa sia Merari, buli inzu nahabundu hayo.

⁶⁴Munjila yiyi abandu ba Isiraeli bahelesia Abalawi amataala kokhumenyamwo, halala nemikunda echiabotokhana amataala yako khulwokhwayamwo emiruko.

⁶⁵(Amataala komusibala sia Yuda, Simioni nende Benjameni kahanwa khulwo khukhupilwa imbulu.)

⁶⁶Abalala khubetsinyumba tsiesilibwa sia Kohatsi bahebwa amataala nende obwayilo musibala sia Efuraimu:

⁶⁷Shekemu, litookho liokhwilukhila mwo khulwo omulembe elili mubikulu bia Efuraimu, halala nende Geseri,

⁶⁸Yokimeamu, Betsi Horoni,

⁶⁹Aiyaloni, nende Gatsi Rimoni halala nobwayilo bwako.

⁷⁰Mulusoma lwa Manase, ebukwe wasio, bahebwa amataala ka Aneri, nende Bileamu, halala nobwayilo obwakabotokhana.

⁷¹Abetsinzu tsiesilibwa sia Gerishoni bahebwa amataala kano halala nobwayilo obwakabotokhana: Musibala siabandu ba Manase bebukwe, bahebwa Golani elili Bashani nende Ashitarotsi.

⁷²Musibala sia Isakari bahebwa, Kedeshi, Daberatsi,

⁷³Ramotsi nende Anemu.

⁷⁴Musibala sia Asheri bahebwa, Mashali, Abudoni,

⁷⁵Hukoki nende Rehobu.

⁷⁶Musibala sia Nafutali bahebwa, Kedeshi elili mu Galilaya, Hamoni nende Kariatsaimu.

⁷⁷Abetsinzu tsindi khu besilibwa sia Merari bahebwa amataala kano halala nobwayilo obwakabotokhana: Musibala sia Sabuloni bahebwa Rimono nende Tabori.

⁷⁸Musibala sia Rubeni, esili ebukwe wo Muchela kwa Yorodani imbeli wa Yeriko bahebwa Beseri khusikulu, Yahisa,

⁷⁹Kedemotsi nende Mepuhatsi.

⁸⁰Musibala sia Gadi bahebwa Ramotsi elili mu Gileadi, Mahanaimu,

⁸¹Heshiboni, Yaseri.