Read lunyore 1 AKETSINYINGA 7 Bible Online

1 AKETSINYINGA 7 - lunyore bible

1 AKETSINYINGA 7

¹Isakari yali nabasiani bane: Tola, Pua, Yashubu nende Shimuroni.

²Tola yali nabasiani basasaba: Usi, Refaya, Yerieli, Yamai, Ibisamu nende Shemweli. Bali abemeli betsinyumba tsiesilibwa sia Tola ne bali abasikari abalulu. Mumatukhu komuruchi Daudi abolwibulo lwabwe yabo abanyala okhulwana lihe bali abandu etsielefu amakhumi kabili natsibili netsimia tsisasaba.

³Usi yali nomusiani mulala naye yali Isirahia. Isirahia halala nabasiani baabe bane, Mishaeli, Obadia, Yoeli nende Isihia bali abemeli betsinyumba tsiabwe.

⁴Bateesia abakhasi abenji ma nibebula abaana abenji ma nikachila abolwibulo lwabwe bali abanyala khuhaana abasikari etsielefu amakhumi kataru natsisasaba okhulwana lihe.

⁵Abasaatsa bosi ababalwa mutsinyumba tsiolwibulo lwa Isakari abanyala okhulwana lihe bali abasaatsa etsielefu amakhumi munane natsine natsitaru.

⁶Benjameni yali nabasiani bataru: Bela, Bekeri, nende Yediaeli.

⁷Bela yali nabasiani barano: Esiboni, Usi, Usieli, Yerimotsi nende Iri. Bali abemeli betsinyumba tsiabwe musilibwa siabwe, khandi bosi bali abasikari abamanyikha. Abolwibulo lwabwe bali abasaatsa etsielefu amakhumi kabili natsibili na makhumi kataru nabane abanyala okhulwana.

⁸Bekeri yali nabasiani bane nabataru: Semira, Yoashi, Eliasa, Eleoenai, Omuri, Yeremotsi, Abija, Anatsotsi nende Alametsi.

⁹Abandu babasibwa khubo abanyala okhulwana lihe bali abasaatsa etsielefu amakhumi kabili netsimia tsibili.

¹⁰Yediaeli yali nomusiani mulala, Bilihani ne Bilihani yali nabasiani bane nabataru. Nabo bali: Yeushi, Benjameni, Ehudi, Kenaana, Yetsani, Tarishishi nende Ahishaha.

¹¹Bali abemeli betsinyumba musilibwa siabwe ne bali abasikari abamanyikha. Abolwibulo lwabwe bali nende abasaatsa etsielefu likhumi natsine natsitaru netsimia tsibili abanyala okhulwana lihe.

¹²Shupimu nende Hupimu bali khandi abolwibulo yilu, Dani yali nomusiani mulala olangwa Hushimu.

¹³Nafutali yali nabasiani bane: Yahisieli, Guni, Yeseri nende Shalumu. (Bali abetsukhulu ba Biliha.)

¹⁴Manase yebula abasiani babili m'mukhasi uwe omubiikha okhurula Aramea, nabo bali Asirieli nende Makiri. Makiri yali samwana Gileadi.

¹⁵Makiri yaler'ra Hupimu nende Shupimu abakhasi. Eliira liomukhaana wabwe liali Maaka. Omusiani wakhabili wa Makiri yalangwa Selofehadi ne yebula abakhaana bonyene.

¹⁶Maaka, omukhasi wa Makiri yebula abasiani babili, ababakulikha Pereshi nende Shereshi. Pereshi yali nabasiani babili, Ulamu nende Rakemu.

¹⁷Ulamu yali nomusiani walangwa Bedani. Yaba bosi bali abolwibulo lwa Gileadi, omusiani wa Makiri, omwitsukhulu wa Manase.

¹⁸Omukhaana wanga Gileadi owalangwa Hamoleketsi yali nabasiani bataru: Isihodi, Abieseri, nende Mahila.

¹⁹(Shemida yali nabasiani bane: Ahiani, Shekemu, Liki nende Aniamu.)

²⁰Bano nibo abolwibulo lwa Efuraimu. Efuraimu yali samwana Shutsela, ne Shutsela yali samwana Beredi, ne Beredi yali samwana Tahatsi, ne Tahatsi yali samwana Eleada, ne Eleada yali samwana Tahatsi,

²¹ne Tahatsi yali samwana Sabadi, ne Sabadi yali samwana Shutsela. Efuraimu yali nende abasiani bandi babili okhumeeta khu Shutsela. Nabo bali Eseri nende Eleadi, ne bali okhwirwa olwa bateema okhwiba tsing'ombe tsiabandu abamenya Gatsi.

²²Papa wabwe Efuraimu yali okhubekhuula khulwamatukhu amenji, ma abekho nibetsa okhumuhotselesia.

²³Ma Efuraimu nakona nomukhasiwe naye nabelekha ma niyebula omwana omusiani. Bakulikha omwana uyo Beria[3] khulwa manyakhano akali nikanyoooye abeinyumba yiye.

²⁴Efuraimu yebula omukhaana owalangwa Sheera. Omukhaana uyo yombokha amatookho ka Betsi Horoni liemukulu nende eliemwalo, halala nende litookho lia Useni Sheera.

²⁵Efuraimu yali khandi nomusiani owalangwa Refa, owolwibulo lulwe lwali singa mbu: Refa yali samwana Reshefi, ne Reshefi yali samwana Tela, ne Tela yali samwana Tahani,

²⁶ne Tahani yali samwana Ladani, ne Ladani yali samwana Amihudi, ne Amihudi yali samwana Elishama,

²⁷ne Elishama samwana Nunu, owali samwana Yoshwa.

²⁸Esibala esiababukula ma nibamenyamwo sialimwo litookho lia Betseli nende amataala akalibotokhana okhwola elubeka webukwe wa Naarani nende Geseri halala namataala akalibotokhana. Khandi babukula amatookho ka Shekemu nende Aya nende amataala akali ahembi n'nako.

²⁹Abolwibulo lwa Manase bamiha khumatookho ka Betsi Shani, Taanaki, Mekito nende Dori halala namataala akabotokhana. Abolwibulo lwa Yosefu omusiani wa Yakobo bamenyanga mumataala yaka kosi.

³⁰Bano nibo abolwibulo lwa Asheri. Yali nabasiani bane: Imuna, Ishiwa, Ishiwi nende Beria. Khandi yali nomukhaana mulala owalangwa Sera.

³¹Beria yali nabasiani babili: Heberi nende Malikieli. (Malikieli niye owachaakia litookho lia Birisaitsi.)

³²Heberi yali nabasiani bataru: Yafuleti, Shome nende Hotsamu; khandi yali nomukhaana mulala owalangwa Shua.

³³Yafuleti, naye khandi yali nabasiani bataru: Pasaki, Bimuhali nende Ashiwatsi.

³⁴Shome, omusiani wanga Pasaki yali nende abasiani bataru: Rohiga, Yehuba nende Aramu.

³⁵Hotsamu, omusiani wabwe yali nabasiani bane: Sofa, Imuna, Sheleshi nende Amali.

³⁶Abolwibulo lwa Sofa bali Sua, Harinefa, Shuali, Beri, Imura,

³⁷Beseri Hodi, Shama, Shilisha, Itsirani nende Beera.

³⁸Abolwibulo lwa Yetseri bali Yefune, Pisipa nende Ara,

³⁹ne abolwibulo lwa Ula bali Ara, Hanieli nende Risia.

⁴⁰Yaba bosi bali abolwibulo lwa Asheri. Bali abemeli betsinyumba tsiabwe khandi abandu abamanyikha khulwo obulwani, khandi abemeli abalahi. Abolwibulo lwa Asheri bali nende abasaatsa etsielefu amakhumi kabili natsisasaba abanyala okhulwana mwihe.