Read lunyore 2 AKETSINYINGA 19 Bible Online

2 AKETSINYINGA 19 - lunyore bible

2 AKETSINYINGA 19

¹Omuruchi Yehoshafati wa Yuda yachelela hango hahe Yerusalemu nali omulamu.

²Omuroobi olangwanga Yehu omusiani wa Hanani yatsia okhubukan'na omuruchi ma namubool'la mbu, “Ololanga nobulahi okhutsia okhukhonya yabo abali ababi nende okhuba khulubeka lwe yabo abasuula MWAMI. Aka wali okhukhola kachil'la OMWAMI ukhutiliye oburima.

³Ne kata mbwo, kaliho amalahi nalebe aka wakhola. Ibe wahiinia ebifwanani biosi ebiomunyasaye mukhasi Ashera ebia abandu bekayakayanga, khandi oteemanga okhulonda aka Nyasaye yenyanga.”

⁴Omuruchi Yehoshafati yamenya mu Yerusalemu nebutswa kata mbwo yalombanga tsinjendo buli khase okhukonya abandu, okhurula Berisheba enandete wa Yuda okhutsia okhwola musibala siebikulu sia Efuraimu mbu akalusie abandu khu MWAMI Nyasaye wabakuka babwe.

⁵Yali okhwahula abakhalachi musielitookho lia Yuda eliasirwa namasisi

⁶ma nabebaal'la mbu: “Mube abachesi olwa mukhalachilanga abandu esiina; simurumikhilanga obunyali bwomundu tawe, nebutswa murumikhilanga obunyali bwo MWAMI, naye ali n'nenywe olwa mubisianga ling'ana liosi musiina.

⁷Muhe OMWAMI oluyali ma mube abachesi mukhukhola khwenywe, sichila OMWAMI Nyasaye wefwe sahuchil'langa ob'batsa kata ebiela nohomba ebihetso tawe.”

⁸Ne mu Yerusalemu, Yehoshafati yeela Abalawi, abesaalisi nende abebule bandi aboluyali okhuba abakhalachi mumise chiokhufunaka Amalako ko MWAMI, emise chiobusoolo hakari wabamenyani bemwitookho.

⁹Yabahelesia amalako kano mbu. “Okhwola muhesie emilimo chienywe muluyali lwo MWAMI, nimumuhulila mukosi akamukholanga.

¹⁰Buli lwosi, olwabandu basienywe okhurula mumatookho kandi bamuler'ra emise chiesitsahi nohomba echiokhufunaka amalako nohomba indakano, okhwola mubachetsiyie mubuchesi obwa bakwana okhuba olwa betsa imbeli wesiina, kho babule okhuba nesikha siokhwona imbeli wo MWAMI. Nimurakhola mbwo, inywe halala nabandu basienywe mulasitohelwa nelirima lio MWAMI. Nebutswa nimuba nimukhola emilimo chienywe, mulaba sila esikha.

¹¹Amaria, Omwesaalisi Omukhongo niye owanobetsenje nobunyali khwinywe mumang'ana kedini kosi; ne Sebadia omusiani wa Ishimaeli, omukafuna wa Yuda, niye owanobetsenge nobunyali mumise chindi chiosi. Abalawi bali nomulimo kwokhulola mbu kosi akakhalachilwe musiina kakhol'lwe. Mwome ikholo ma muhesie amalako yaka kosi, ne OMWAMI abetsenje ne yabo abali khukatooto!”