Read lunyore 2 AKETSINYINGA 27 Bible Online

2 AKETSINYINGA 27 - lunyore bible

2 AKETSINYINGA 27

¹Yotsamu yachaaka okhuruka nali nemihika amakhumi kabili nachirano, ne yaruchila Yerusalemu emihika likhumi nachisasaba. Eliira lianyina liali Yerusa omukhaana wa Sadoku.

²Yakhola amalahi imbeli wo MWAMI singa samwana yali niyakhola; nebutswa siyakhola tsimbi imbeli wo MWAMI khulwo okhusamba obwali mu Hekalu singa samwana yakhola tawe. Ne kata mbwo abandu batsilil'la okhukhola tsimbi.

³Yotsamu niye owombokha esilibwa sie Esinyolu esinjilanga mu Hekalu ma nakhola emilimo eminji okhwombokha oluhinga lwelitookho mulusoma lwa Yerusalemu olulanganga Ofeli.

⁴Yombokha amatookho mubikulu bia Yuda, ma niyombokha etsiminga nende eminaara mumitsuru tsia Yuda.

⁵Yaseerana nende omuruchi wa Amoni halala nabasikaribe ma nabaleka. Ma nahachia Abaamoni okhurunga khuye obusuru buno buli muhika khulwemihika chitaru, mbu: etsikilo etsielefu tsitaru netsimia tsine etsiefetsa, etsitani elefu ndala etsieingano nende etsitani elefu ndala etsieshayiri.

⁶Yotsamu yakufuhala mutsingufu okhusila sichila yali omusubilwa mukhuhulila OMWAMI Nyasayewe.

⁷Amang'ana kandi akoburuchi bwa Yotsamu, amahe aka yalwana nende amalako aka yaraho kosi kahandiikwa mumang'ana kobulamu bwabaruchi ba Yuda nende Isiraeli.

⁸Yotsamu yachaaka okhuruka nali nemihika amakhumi kabili nachirano ne yaruchila Yerusalemu emihika likhumi nachisasaba.

⁹Yafwa ma nayabilwa mwitookho lia Daudi, ne Ahasi omusianiwe yabukula obukono bubwe singa omuruchi.