Read lunyore ESIRA 2 Bible Online

ESIRA 2 - lunyore bible

ESIRA 2

¹Bano nibo abandu mulusoma lwa Bababulonia abakalukha okhurula mubuhambe aba Nebukadinesa omuruchi wa Babulonia yali niyatisia okhutsia Babulonia. Bakalukha mwitookho lia Yerusalemu nende mwihanga lia Yuda, buli mundu mwitaala lilie.

²Abemeli babwe bali Serubabeli, Yeswa, Nehemia, Seraya, Reelaya, Modekai, Bilishani, Misipori, Bigiwai, Rehumu nende Baana. Ne Abaisiraeli bosi halala bakalukha bali singa mbu:

³Abemusilibwa sia Paroshi, bali etsielefu tsibili emia ndala namakhumi kane nakataru nababili.

⁴Abesilibwa sia Shefatia, bali etsimia tsitaru amakhumi kane nakataru nababili.

⁵Abesilibwa sia Ara, etsimia tsine natsitaru amakhumi kane nakataru nabarano.

⁶Abesilibwa sia Pahatsi Moabu, abali abetsukhulu ba Yeswa na Yoabu, bali etsielefu tsibili tsimia munane likhumi nababili.

⁷Abesilibwa sia Elamu, bali elefu ndala tsimia tsibili amakhumi karano nabane.

⁸Abesilibwa sia Zatu, bali etsimia tsine natsirano amakhumi kane nabarano.

⁹Abesilibwa sia Sakai, bali tsimia tsine natsitaru namakhumi kasasaba.

¹⁰Abesilibwa sia Bani, bali tsimia tsisasaba amakhumi kane nababili.

¹¹Abesilibwa sia Bebai, bali tsimia tsisasaba amakhumi kabili nabataru.

¹²Abesilibwa sia Asikadi, bali elefu ndala tsimia tsibili amakhumi kabili nababili.

¹³Abesilibwa sia Adonikamu, bali tsimia tsisasaba amakhumi kasasaba nabasasaba.

¹⁴Abesilibwa sia Bigiwai, bali tsielefu tsibili amakhumi karano nabasasaba.

¹⁵Abesilibwa sia Adini, tsimia tsine amakhumi karano nabane.

¹⁶Abesilibwa sia Ateri khandi balangwa Hesekia, bali amakhumi kane na karano namunane.

¹⁷Abesilibwa sia Besai, bali tsimia tsitaru amakhumi kabili nabataru.

¹⁸Abesilibwa sia Yora, bali emia ndala likhumi nababili.

¹⁹Abesilibwa sia ba Hashumu, bali etsimia tsibili amakhumi kabili nabataru.

²⁰Abesilibwa sia Gibari amakhumi kane na karano nabarano.

²¹Abesilibwa sia Betselehemu, bali emia ndala amakhumi kabili nabataru.

²²Abesilibwa sia Netofa, bali amakhumi karano nabasasaba;

²³aba Anatsotsi, bali emia ndala amakhumi kabili namunane;

²⁴abaana ba Asimawetsi amakhumi kane nababili;

²⁵abaana ba Kiriatsi Arimu, na Kefira, na Beerotsi, bali etsimia tsine natsitaru amakhumi kane nabataru;

²⁶abaana ba Rama na Geba, bali tsimia tsisasaba amakhumi kabili namulala;

²⁷aba Mikimashi, bali emia ndala amakhumi kabili nababili;

²⁸aba Betseli na Ai, tsimia tsibili amakhumi kabili nabataru;

²⁹abaana ba Nebo, bali amakhumi karano nababili;

³⁰abaana ba Magibishi bali emia ndala amakhumi karano nabasasaba;

³¹abaana ba Elamu undi, bali elefu ndala tsimia tsibili amakhumi karano nabane;

³²abaana ba Harimu, bali tsimia tsitaru namakhumi kabili;

³³abaana ba Lodi Hadidi, na Ono, bali tsimia tsine natsitaru amakhumi kabili nabarano;

³⁴abaana ba Yeriko, bali tsimia tsitaru amakhumi kane nabarano;

³⁵abaana ba Senaa, bali etsielefu tsitaru tsimia tsisasaba namakhumi kataru.

³⁶Bano nabo nibo abesaalisi abakalukha okhurula mubuhambe: Abesilibwa sia Yedaya abali abolwibulo lwa Yeswa, bali tsimia tsirano natsine amakhumi kane nakataru nabataru.

³⁷Abesilibwa sia Imeri, bali elefu ndala amakhumi karano nababili;

³⁸Pashuri Abesilibwa sia bali elefu ndala tsimia tsibili amakhumi kane nabane nabataru;

³⁹abesilibwa sia Harimu, bali elefu ndala likhumi nabane nabataru.

⁴⁰Abalawi nabo mbabano: Abesilibwa sia Yeswa nende Kadimieli, abolwibulo lwa Hodawia, bali amakhumi kane nakataru nabane.

⁴¹Abeembi; mbu abolwibulo lwa Asafu, emia ndala amakhumi kabili namunane.

⁴²Abesilibwa sia abalindi bebilibwa bie Ehekalu abolwibulo lwa Shalumu, Ateri, Talimoni, Akubu, Hatita, Shobai, bosi halala bali emia ndala amakhumi kataru nabarano nabane.

⁴³Abakholi bomuhekalu; bali abebilibwa bia Siha, Hasufa, Tabaotsi,

⁴⁴Kerosi, Siaha, Padoni,

⁴⁵Lebana, Hakaba, Akubu;

⁴⁶Hakabu, Shamila, Hanani,

⁴⁷Gideli, Kahari, Reaya,

⁴⁸Resini, Nekoda, Kasamu,

⁴⁹Usa, Pasea, Besai,

⁵⁰Asina, Meunimu, Nefisimu,

⁵¹Bakibuki, Hakufa, Harihuri,

⁵²Basilutsi, Mehida, Harisha,

⁵³Barikosi, Sisera, Tema,

⁵⁴Nesia nende Hatifa.

⁵⁵Abakholi ba Solomoni abakalukha okhurula mubuhambe bali abebilibwa bia Sotai, Hasoferetsi, Peruda,

⁵⁶Yaala, Darikoni, Gideli,

⁵⁷Shefatia, Hatili, Pokeretsi Hasebaimu, nende Ami.

⁵⁸Abolwibulo lwabakholi bomuhekalu bosi, nende abolwibulo lwabakholi ba Solomoni, bali tsimia tsitaru amakhumi kane nakarano nababili.

⁵⁹Ne bano nibo abarula mumataala ka Telimela, Kerubu, Adani, nende Imeri, ne sibali abanyala okhwibaala ebilibwa bibabwe nohomba nikali olwibulo lwabwe lwarula khu Baisiraeli tawe:

⁶⁰bali abebilibwa bia Delaya, Tobia, nende Nekoda; ne bosi halala bali tsimia tsisasaba amakhumi karano nababili.

⁶¹Ne khubolwibulo lwabesaalisi, abebilibwa bia Habaya, Hakosi, Barisilai. (Kukanyene esilibwa siabesaalisi sia Barisilai yali niyateesia omukhasi okhurula musilibwa sia Barisilai Omugileadi ma kho yamala nakulikhwa khuliira liabwe).

⁶²Yabo bakhaaba amera kebilibwa biabwe mumera kabesaalisi nebutswa sibakanyolamwo tawe; khulwe yako bahiinibwa mubwesaalisi, singa abomusilo.

⁶³Ne omukafuna nakaya mbu balekhenje okhulia khubindu ebiahanwa khu Nyasaye, okhwola olwa omwesaalisi yeetsaho owakhanyala okhureeba mu Urimu nende Tsumimu[1].

⁶⁴Abandu bosi halala abarula mubuhambe bali abandu etsielefu amakhumi kane natsibili tsimia tsitaru namakhumi kasasaba;

⁶⁵khandi okhumeetakhwo bali nabakholi babwe bes'saatsa nabesikhasi, abahela tsielefu tsine natsitaru, tsimia tsitaru namakhumi kataru nabane nabataru, khandi bali nende abembi bes'saatsa nabesikhasi tsimia tsibili.

⁶⁶Etsisululi tsiabwe tsiali tsimia tsine natsitaru namakhumi kataru natsisasaba; tsinyumbu tsiabwe tsiali tsimia tsibili amakhumi kane natsirano;

⁶⁷tsingamia tsiabwe tsiali tsimia tsine amakhumi kataru natsirano; ne etsisikhili tsiabwe tsiali etsielefu tsisasaba ne tsimia tsine natsitaru namakhumi kabili.

⁶⁸Abandi abokhubemeli bebilibwa, olwa boola khu Hekalu yo MWAMI eli Yerusalemu bahaana ebihanwa biobwehani khulwo okhwombokha obuhia Ehekalu, mubukono bwayo obukhulu.

⁶⁹Bahaana singa obwa banyala mwibiikhilo liemilimo yichio. Biosi halala biali etsikilo tsimia tsirano tsiefetsa, netsingubo tsiabesaalisi emia ndala.

⁷⁰Abesaalisi, Abalawi, nende abandu balala bachiaka okhumenya mu Yerusalemu nomumataala kali ahembi khulio; ne abembi, nabalindi bebilibwa, nabakholi abomuhekalu, kata Abaisiraeli bandi bosi, nibamenya mumataala kabwe.