Read lunyore NEHEMIA 10 Bible Online

NEHEMIA 10 - lunyore bible

NEHEMIA 10

¹Yabo abarakhwo omuhuli mbabano: Abokhuranga bali Nehemia omusiani wa Hakalia owali omukafuna, nende Sedekia.

²Abesaalisi nabo bali: Seraya, Asaria, Yeremia,

³Pashuri, Amaria, Malikiya,

⁴Hatushi, Shebania, Maluki,

⁵Harimu, Meremotsi, Obadia;

⁶Danieli, Ginetsoni, Baruki,

⁷Meshulamu, Abiya, Miyamini,

⁸Maasia, Biligai, nende Shemaya.

⁹Abalawi nabo bali: Yeshwa omusiani wa Asania, Binui owesilibwa sia Henadadi, Kadimieli,

¹⁰halala nende Shebania, Hodia, Kelita, Pelaya, Hanani,

¹¹Mika, Rehobu, Hashabia,

¹²Sakuri, Sherebia, Shebania,

¹³Hodia, Bani nende Beninu.

¹⁴Abemeli babandu nabo bali: Paroshi, Pahatsi Moabu, Elamu, Satu, Bani,

¹⁵Buni, Asikadi, Bebai,

¹⁶Adoniya, Bigiwai, Adini,

¹⁷Ateri, Hesekia, Asuru,

¹⁸Hodia, Hashumu, Besai,

¹⁹Harifu, Anatsotsi, Nebai,

²⁰Magipiashi, Meshulamu, Hesiri,

²¹Meshesabeli, Sadoku, Yadua,

²²Pelatia, Hanani, Anaya,

²³Hoshea, Hanania, Hashubu,

²⁴Haloheshi, Piliha, Shobeki,

²⁵Rehumu, Hashabina, maaseya,

²⁶Ahia, Hanani, Anani,

²⁷Maluki, Harimu nende Baana.

²⁸Ifwe Abaisiraeli fwesi halala nende Abalawi, nabalindi be Hekalu, nabembi bomu Hekalu nabakholi bomuhekalu, halala nende abandi bosi abamal'le okhweyahula okhurula khubandu betsimbia tsindi abamenyanga mwifwe, khulwokhulonda amalako ka Nyasaye, halala nabakhasi befwe, nende abaana befwe abanyala okhuhul'la nende okhumanyilisia,

²⁹luno khuhambananga nende abemeli befwe okhwinjila musilaka munwa nikhwesuha, okhuchenda mumalako ka Nyasaye aka yahaana okhubir'ra mumurumikhiliwe Musa; mbu nakhulonde amalako kosi ako MWAMI, Nyasaye wefwe alakanga; khandi mbu nakhulinde amalakoke kosi nende amebaaloke.

³⁰Sikhulateesania nabandu betsimbia tsindi abamenyanga musibala siefwe tawe.

³¹Abandu betsimbia tsindi nibaba nibaleera emiandu chiabwe nohomba obuswache okhukusia khwitukhu lie Sabato nohomba khwitukhu lindi liosi litsienukhu, sikhulakulana n'nabo tawe. Buli khumuhika kwakhane nakhataru sikhularaaka emikunda chiefwe tawe, khandi sikhulabanza amakobi kefwe tawe.

³²Buli mulala khu ifwe alahaananga etsiguramu tsirano tsiefetsa buli muhika khulwokhukhonyel'la oburumikhi bwomuhekalu.

³³Khulwo bwekayakayi bwomuhekalu khulahana bino: emikaati emitsienukhu, emisango chiobuswache chiabulitukhu, emiruko chiemisango chiokhusambwa bulitukhu, emisango emichienukhu chiokhuhanwa mumatukhu ke Sabato nomumatukhu komwesi omutoro nende mumasabo kandi, emisango chindi emitsienukhu nende esindu sindi siosi esiakhenyekha khulwoburumikhi bwomuhekalu.

³⁴Ifwe abandu bosi halala nabesaalisi nende Abalawi nakhukhupenge imbulu buli muhika eyokhwahula abebilibwa abanabaleerenge tsikhwi tsiokhusambila emisango echihanwanga khu MWAMI Nyasaye wefwe okhulondokhana nende obwa kahandiikwa mu Malako.

³⁵Buli muhika nakhuleerenje ebirongola mu Hekalu ebirongola biobuswache obwa khuranganga okhuchesa nende amatunde akaranganga okhwenga mumisaala chiefwe.

³⁶Omusiani wambeli okhwibulwa mwifwe nakhumuhaanenje khumwesaalisi Muhekalu okhuhanwa khu Nyasaye singa obwa kahandiikwa mu Malako. Khandi khulahana khuye ebibulwa bies'saatsa ebiokhuranga ebietsing'ombe tsiefwe, nende ebiamakondi kefwe nende ebietsimbusi tsiefwe.

³⁷Khandi nakhuleere ebirongola biobusie bwefwe obutubuywe, netsisadaka tsiefwe, nebiamo biemisaala chietsimbila tsiosi, newaini nende amafura komuseituni, khubesaalisi, abali mu Hekalu ya Nyasaye wefwe. Nakhuhil'lenge Abalawi esielikhumi esirulanga khubiraakwa ebikhulanga mumikunda chiefwe sichila nibo abasololanga ebitonye bielikhumi mumataala kosi akomumikunda chiefwe.

³⁸Abesaalisi abali abolwibulo lwa Haruni, bakhoya okhuba halala na Balawi olwa baba nibasololanga esielikhumi; ma Abalawi baleere esitonye sielikhumi okhurula khubindu biosi ebia baba nibasoloye mwibiikhilo liomuhekalu.

³⁹Abandu ba Isiraeli nende Abalawi balaleera ebihanwa biabwe biobuswache, newaini, namafura komuseituni mubikoti ebibikhwangamwo ebirumikhilo biomu Hekalu, nende mubikoti ebiabesaalisi, nende ebiabalindi be Hekalu nende ebiabembi bamenyanga mwo. Ne sikhulebil'la inyumba ya Nyasaye wefwe tawe.