Read lunyore NEHEMIA 7 Bible Online

NEHEMIA 7 - lunyore bible

NEHEMIA 7

¹Luno lisisi liali nilimal'le okhwombokhwa obuhia, ebilibwa nabio biali nibisinjisibubwe mubukono bwabio, ne abalindi bebilibwa nabembi be Hekalu nende Abalawi bali nibamal'le okhukabul'lwa emilimo.

²Ndara Hanani omwana wefwe, nende Hanania omusikari owalindanga oluhinga okhuba abasinjilili ba Yerusalemu. Hanania yali omundu omusubilwa, owaria Nyasaye okhuyomba abandu bandi bosi.

³Ndababool'la mbu ebilibwa bia Yerusalemu bireekulwakhwo mukamba tsuli eliuba nilisili okhurula tawe, khandi bikalwe eliuba nilisili okhuyeela abalindi nibasili khumilimo. Khandi ndababool'la mbu bahule abalindi okhurula mubandu abamenya Yerusalemu, ma abalala khubo babare okhulinda habundu hachoomekhe ne abandi okhulinda hatsinyumba tsiabwe.

⁴Yerusalemu liali litookho likhongo, ne abandu abenji sibaali nibamenyangamwo tawe, khandi tsinyumba tsinyinji tsiali nitsili okhwombokhwamwo.

⁵Ma Nyasaye wanje yaamanyia, mbunjelesia abandu nende abemeli nabakhongo babwe ma mbahandiike amera mubulondokhani bwetsinzibulo tsiabwe. Ne ndanyoola esitapu esiobulondokhani bwetsinzibulo etsie yabo abaranga okhuchelela okhurula mubuhambe, ne kano niko akandanyoola nikahandikwamwo:

⁶Bano nibo abasumba abarula mulusoma lwa Babulonia nibakalukha Yerusalemu nende Yuda buli mundu mulitookholie omwene. Abandu betsinyumba tsiabwe bali nibamenya mubuhambe Babulonia okhurula olwomuruchi Nebukadinesa yali niyabahilayo singa ababohe.

⁷Abemeli babwe bali Serubabeli, Yeshwa, Nehemia, Asaria, Raamia, Nahamani, Modekai, Bilishani, Misiperetsi, Bigiwai, Nehumu nende Baana. Ne obwinji bwabandu ba Isiraeli tsana mbwobuno:

⁸Abolwibulo lwa Paroshi bali etsielefu tsibili, emia ndala namakhumi kane nakataru nababili;

⁹abolwibulo lwa Shefatia bali etsimia tsitaru namakhumi kane nakataru nababili;

¹⁰abolwibulo lwa Ara bali etsimia tsisasaba namakhumi karano nababili;

¹¹abolwibulo lwa Pahatsi Moabu, nibo abaana ba Yeshwa nende Yoabu, bali etsielefu tsibili netsimia munane ne likhumi namunane;

¹²Abolwibulo lwa Elamu bali elefu ndala netsimia tsibili namakhumi karano nabane;

¹³abolwibulo lwa Satu, bali etsimia munane namakhumi kane nabarano;

¹⁴abolwibulo lwa Sakai bali etsimia tsine natsitaru namakhumi kasasaba;

¹⁵abolwibulo lwa Binui, bali etsimia tsisasaba namakhumi kane namunane;

¹⁶abolwibulo lwa Bebai bali etsimia tsisasaba namakhumi kabili namunane;

¹⁷abolwibulo lwa Asikadi, bali etsielefu tsibili etsimia tsitaru amakhumi kabili nababili;

¹⁸abolwibulo lwa Adonikamu, bali etsimia tsisasaba amakhumi kasasaba nabane nabataru;

¹⁹abolwibulo lwa Bigiwai bali etsielefu tsibili amakhumi kasasaba nabane nabataru,

²⁰abolwibulo lwa Adini bali etsimia tsisasaba amakhumi karano nabarano,

²¹abolwibulo lwa Ateri, (khandi abalangwanga aba Hesekia) bali amakhumi karano nakane namunane,

²²abolwibulo lwa Hashumu, bali etsimia tsitaru amakhumi kabili namunane,

²³abolwibulo lwa Besai, bali etsimia tsitaru amakhumi kabili nabane;

²⁴abolwibulo lwa Harifu, bali emia ndala nelikhumi nababili;

²⁵abolwibulo lwa Gibeoni, bali amakhumi karano nakane nabarano.

²⁶Abandu abamenyanga mumataala kano nabo khandi bakalukha: abandu ba Betselehemu na Netofa, bali emia ndali namakhumi munane namunane,

²⁷abandu ba Anatsotsi, bali emia ndala amakhumi kabili namunane;

²⁸abandu ba Betsi Asimawetsi, bali amakhumi kane nababili;

²⁹abandu ba Kiriatsi Yearimu nende Khefira, na Beerotsi, bali etsimia tsine natsitaru amakhumi kane nabataru;

³⁰abandu ba Rama na Geba, bali etsimia tsisasaba amakhumi kabili namulala;

³¹abandu ba Mikimashi, bali emia ndala amakhumi kabili nababili;

³²abandu ba Betseli nende Ai, bali emia ndala namakhumi kabili nabataru;

³³abandu belitaala lindi lia Nebo bali, amakhumi karano nababili.

³⁴Abandu belitaala lindi lia Elamu bali elefu ndala etsimia tsibili namakhumi karano nabane;

³⁵abandu ba Harimu bali etsimia tsitaru namakhumi kabili;

³⁶abandu ba Yeriko, bali etsimia tsitaru namakhumi kane nabarano,

³⁷abandu ba Lodi, Hadidi, nende Ono, bali etsimia tsine natsitaru amakhumi kabili namulala;

³⁸abandu ba Senaa, bali etsielefu tsitaru etsimia tsirano natsine namakhumi kataru.

³⁹Kano niko amera kabesaalisi abachelela okhurula mubuhambe: Yadaya, (abolwibulo lwa Yeshwa) bali etsimia tsirano natsine amakhumi kane nakataru nabataru;

⁴⁰abesilibwa sia Imeri bali elefu ndala namakhumi karano nababili;

⁴¹abesilibwa sia Pashuri, bali elefu ndala netsimia tsibili namakhumi kane nabane nabataru;

⁴²abesilibwa sia Harimu bali elefu ndala nende likhumi nabane nabataru.

⁴³Kano niko amera ka Balawi abachelela okhurula mubuhambe; abebilibwa bia Yeshwa, nende Kadimieli (abolwibulo lwa Hodawia), bali amakhumi kane nakataru nabane.

⁴⁴Abembi bomu Hekalu (abolwibulo sia Asafu) bali emia ndala amakhumi kane namunane.

⁴⁵Abalindi be Hekalu, (Abetsinzibulo tsia Shalumi, Ateri, Talimoni, Akubu, Hatita, nende Shobai), bali emia ndala namakhumi kataru namunane.

⁴⁶Kano niko amera akabakholi bomuhekalu abachelela okhurula mubuhambe okhulondokhana nebilibwa biabwe: Siha, Hasufa, Tabaotsi;

⁴⁷Kerosi, Sia, Padoni,

⁴⁸Lebana, Hagaba, Shalimai,

⁴⁹Hanani, Gideli, Gahari,

⁵⁰Reaya, Resini, Nekoda,

⁵¹Gasamu, Usa, Pasea,

⁵²Besai, Meunimu, Nefushesimu;

⁵³Bakibuki, Hakufa, Harihuri,

⁵⁴Basilutsi, Mehida, Harisha,

⁵⁵Barikosi, Sisera, Tema,

⁵⁶Nesia nende Hatifa.

⁵⁷Kano niko amera kabakholi ba Solomoni abachelela okhurula mubuhambe okhulondokhana nebilibwa biabwe: Sotai, Soferetsi, Perida,

⁵⁸Yaala, Darikoni, Gideli,

⁵⁹Shefatia, Hatili, Pokeretsi Nazebaimwo, nende Amoni.

⁶⁰Abakholi bomuhekalu nende abakholi ba Solomoni bosi halala bali etsimia tsitaru amakhumi karano nakane nababili.

⁶¹Ne bano nibo abarula mumataala ka Telimela, Teliharisha, Kerubu, Adonibeseki nende Imeri, nebutswa sibaali abanyala okhumanyia nikali abebilibwa biabwe barula khutsinzibulo tsia Isiraeli tawe.

⁶²Abetsinzibulo tsia Delaya, Tobia, Nekoda, bali etsimia tsisasaba amakhumi kane nababili.

⁶³Ne abebilibwa biabesaalisi bano Hobaya, Hakosi, Barisilai, (owateesia omukhaana wa Barisilai, Omugileadi ma, nakulikhwa khuliira liabwe,)

⁶⁴sibaali abanyala okhunyoola amera kabwe mubulondokhani bwetsinzibulo tsiabesaalisi tawe, ma khulwako sibahuchil'lwa okhuba mumukanda kwabesaalisi tawe.

⁶⁵Omukafuna Wesiyahudi yababool'la mbu barakhaliakhwo ebiokhulia ebihanwanga khu Nyasaye tawe okhwola olwo omwesaalisi yakhabaho onyala okhurumikhila Urimu na Tsumimu[1].

⁶⁶Abasumba bosi abali okhuchelela bali abandu etsielefu amakhumi kane natsibili, etsimia tsitaru namakhumi kasasaba.

⁶⁷Abandu babwe abes'saatsa nende abesikhasi nabo bali etsielefu tsine natsitaru etsimia tsitaru namakhumi kataru nabane nabataru. Abembi bes'saatsa nende abesikhasi nabo bali etsimia tsibili namakhumi kane nabarano.

⁶⁸Tsisululi tsiabwe, tsiali etsimia tsine natsitaru namakhumi kataru natsisasaba. Tsinyumba tsiabwe tsiali etsimia tsibili amakhumi kane natsirano.

⁶⁹Tsingamia tsiabwe natsio nitsiba etsielefu tsisasaba, tsimia tsine natsitaru namakhumi kabili.

⁷⁰Abalala khubemeli bebilibwa behaana khulwo khukhonyel'la emilimo. Omukafuna yahaana mwibiikhilo etsikilo munane tsietsahabu, netsindaabo etsiomulukha amakhumi karano, netsikanzo tsiabesaalisi etsimia tsirano namakhumi kataru.

⁷¹Ne abemeli bebilibwa bandi nibahaana mwibiikhilo tsana etsikilo emia ndala namakhumi kasasaba namunane tsietsahabu, nende etsikilo elefu ndala netsimia tsibili namakhumi karano etsiefetsa.

⁷²Ne abandu bandi bosi bahaana etsikilo emia ndala namakhumi kasasaba namunane tsietsahabu netsikilo emia ndala namakhumi kane tsiefetsa, nende etsikanzo tsiabesaalisi etsihela amakhumi kasasaba nachine nachitaru.

⁷³Kho abesaalisi na Balawi, nabalindi behekalu, nabembi, nende abandu abandi bosi halala nende abakholi bomuhekalu — mbu abandu ba Isiraeli bosi — bamenya mumataala nende mumatookho ka Yuda.