Read lunyore OKHURULA 27 Bible Online

OKHURULA 27 - lunyore bible

OKHURULA 27

¹“Olombe olusambwa okhurula khumusisia. Lube oluhelanu tsimbeka tsiosi mbu, etsimiita tsibili nende ebisubi b'bili oburambi khandi obuchiikha etsimiita tsibili nende ebisubi b'bili ne okhutsia ikulu lube emita ndala nende ebisubi bitaru.

²Olombe tsinzika tsine mutsikona tsine tsiolusambwa, tsinzika yitsio tsilaba esindu silala nende olusambwa ne siosi sifuunikhwe nende omukasa.

³Olombe tsinzio tsiokhuyoyelakhwo likokhe litsokan'ne nobunolu. Khandi olombe ebitiyo, tsindaabo, tsingaka nende ebifuria biokhutekhelakhwo. Ebindu yibi biosi bilombwe okhurula khumukasa.

⁴Olombe esing'enge siomukasa singa esibetsanga mumatirisha ma orekhwo tsingaka tsine etsiokhuluchinga mutsikona tsine tsiesing'enge yisio.

⁵Ma ore esing'enge yisio mulupao lwabotokhana olusambwa, lubukule enusu yolusambwa.

⁶Olombe emisaala chiokhuchingilakhwo okhurula khumusisia ma ofuunikhekhwo omukasa

⁷ma otsire mutsingaka buli elubeka wolusambwa, olwolusambwa lukingwanga.

⁸Olombe olusambwa khulupao ma olekhe lwalame okhulondokhana namang'ana kandakhumanyia noli khusikulu.

⁹“Khulwo okhusira Liheema liokhubaho khwanje murumikhile etsipasia tsiekatani isiyikhu. Elubeka lwenandete oreho etsikatani tsioburambi obuhela etsimiita amakhumi kane natsine,

¹⁰nitsisungilwe khumisaala chiomukasa nitsili khubikuru biomukasa amakhumi kabili, nende ebifuuli netsisimbo etsialombwa khutsahabu.

¹¹Khandi olubeka lwesinyolu lwe Liheema lukholwe mbwo.

¹²Olubeka lwemasaba lwe Liheema tsirebweho etsipasia tsihela etsimiita amakhumi kabili natsibili oburambi nende ebikhongo likhumi nende ebikuru likhumi.

¹³Elubeka lwebukwe we Liheema ahobwinjil'lo buli okhusirwa khwe Liheema khube etsimiita amakhumi kabili natsibili obubambukhu.

¹⁴Buli lubeka lwobwinjil'lo bareho etsipasia tsihela etsimiita tsisasaba nachisasaba nende ebikhongo bitaru nende ebikuru bitaru.

¹⁶Ne hobwinjil'lo bwene buli bareho ekatani yeingubo ehela etsimiita tsirano natsine oburambi eyalombwa khukatani isiyikhu eyanabilwa obuusi bwabulu, obusembe, nende epamba inzakhanyu, eyanabwakhwo amahwa amalahi. Eletel'lwe nende ebikhongo bine nende ebikuru bine hasi.

¹⁷Ebikhongo biosi ebiabotokhana olukaka bihambanibwe nende ebichuma biomukasa ne ebifuuli biabio tsilombwe okhurula khutsahabu ne ebikuru bilombwe okhurula khumukasa.

¹⁸Olukaka lwokhusira lube oburambi etsimiita amakhumi kane natsine ne obuchiikha etsimiita amakhumi kabili natsibili ne oburambi okhutsia ikulu etsimiita tsibili nebisubi bibili. Etsipasia yitsio tsilombwe khukatani isiyikhu ne mulwalo mulombelwe omukasa.

¹⁹Ebindu biosi ebirumikhilwa okhulomba Liheema nende ebibambo biokhutila Liheema kata nende ebialomba olukaka lwokhusira bilombwe khu mukasa.

²⁰“Ibe olache Abaisiraeli okhuleera amafura kemiseituni akali amalahi okhusila khulwokhurebwa mutaya, kho etaya ebe enyala khuhambibwa buli mukolooba.

²¹Haruni nende abasiani baabe bahambie etaya Mwiheema liokhubaho khwanje esioba weperisia eli imbeli we Lisanduku lie Indakano. Habwene yaho mutsimoni tsianje etaya iyo yatukhe okhurula mukolooba okhwola mukamba tsuli. Lilako yili lilindwe khulwe inziayo nende Abaisiraeli halala nende abolwibulo lwabwe.