Read lunyore AYUBU 17 Bible Online

AYUBU 17 - lunyore bible

AYUBU 17

¹Obulamu bwanje buhweleleye, kata sindi onyala khuhelana tawe; sibulaho esisikaye khu ise, nisirali esilindwa sionyene.

²Siahene abeinzekhelesi bafumbiye, mbahenganga olwa banyekanga.

³Ise mboolanga akatooto, Nyasaye. Huchil'la amang'ana kanje. Abulaho oundi owokhukobokhela akamboolanga.

⁴Okhuba ibe wikaye emioyo chiabwe chilekhe okhumanyilisia; orahuchil'la bandeke luno tawe.

⁵Uyo osiemananga abalinabe mbu anyoole amapesa, abaanabe balabofula.

⁶Ne Nyasaye wakhola eliira lianje okhuba eliesilaamo; abandu betsanga khufutsila amare m'moni.

⁷Esibeela sianje simwamisie tsimoni tsianje, nabio ebimo biosi ebiomubili kwanje biatora ma bifwananga esiniini.

⁸Yabo ababoolanga nabasubilwa bachenyele, ne bosi bandulanga mbu ndi omunasibala.

⁹Yabo ababoolanga mbu naboluyali, batsilil'langa okhuboola mbu bali habwene.

¹⁰Nebutswa bosi nibakhetsa okhusinjila imbeli wanje, sindakhanyoola kata omuchesi mulala mubo tawe.

¹¹Amatukhu kanje kahweye, akandalosinjia sikakholekha tawe. Obunaayi bwanje bwaba obwabutswa.

¹²Abalina banje balolanga obutukhu singa om'mbasu, baboolanga obulafu buli ahembi, nebutswa ise manyile mbu nanzilil'le okhuba musiilima.

¹³Nindil'langa Emakombe okhuba inzu yanje, aha nandeyalisie okhukona tsindoolo musiilima.

¹⁴Ndakhalange esilindwa mbu, papa wanje, ne tsinyende natsio ndakhatsilange mbu mama khandi abambootswa.

¹⁵Kho luno obunaayi bwanje buli hena? Obunaayi bwanje tsana, niwina olabulola?

¹⁶Obunaayi sibulatsia n'nase olwamba ninzia Emakombe tawe.