Read lunyore AYUBU 20 Bible Online

AYUBU 20 - lunyore bible

AYUBU 20

¹Ma Sofari okhurula Naamatsi nakalusia Ayubu naboola mbu,

²“Ayubu, umbelesianga limaalo. Luno sindesimilisia okhukhukalusia tawe.

³Akomal'le okhuboola nelinyeko, nebutswa ise manyile obwanyala okhukhukalusia.

⁴“Siahene ibe umanyile mbu okhurula khale, olwabandu bareebwa khusibala

⁵babulaho abandu ababi abasangalanga khulwoluhono olurambi.

⁶Banyala okhumeetekha mubukhongo nibakaliha okhwola mwikulu, ma emirwe chiabwe nichiola mumalumbesi

⁷nebutswa balafuurwa ehale singa olukuukhi. Yabo abali nibabamanya balachenya nihena ahabatsiye.

⁸Balakora singa lilooro, khandi balatiba singa libisulo liabutukhu, ne sibalalolekhakhwo khandi tawe.

⁹Yabo ababalola sibalabalola khandi tawe, kata sibalalolekha hango habwe tawe.

¹⁰Abaana babwe balarunga ebindu ebiabapapa babwe bali okhunuula abatakha. Bakhahane emiandu echiabwe chiosi khubatakha.

¹¹Emibili chiabwe chialinjimwo tsingufu tsiobubuukha, nebutswa tsilakwa olukuukhi bwangu.

¹²“Obubi bubetsanga ob'buulu muminwa chiabwe, babubisanga isi wol'limi lwabwe.

¹³Sibayanzanga okhubulekha tawe, nebutswa babuhandangakhwo muminwa chiabwe.

¹⁴Kata munda mwabwe ebiokhulia bikalukhananga okhuba ebilulu, bilakwa ebilulu singa esumu yetsinzokha.

¹⁵Ababi bamilanga obuhinda obwa bali okhwiba; Nyasaye alabakhola babusale okhurula mutsinda tsiabwe.

¹⁶Abandu babi bamilanga esumu yeinzokha, esumu yameno keinzokha eyabeera.

¹⁷Sibalamenya okhwola olwa balola emichela chiamafura kemikhuyu nohomba emichela echietsula mwo obunolu nende obuhinda.

¹⁸Okhwola bakalusie yibio ebiabanyakhan'na sila okhubiliakhwo, ne sibalasangal'la amapesa akabanyoola okhurula mubukhala bwabwe tawe,

¹⁹sichila basandia abamanani, nende okhubachaaya nibabebil'la, khandi banuula tsinyumba etsiabandi bombokha.

²⁰Obulangu bwabwe sibuhwetsanga tawe.

²¹Olwa balitsanga sibulakhwoho esisikalanga tawe, khulwe yako, obuhinda bwabwe bwoolanga khusihakamo.

²²Mubwitsulu bwokhwesangasia khwabwe, obusiro bwosi bwamatinyu bulabatubula.

²³Lekha balie biosi ebiabenya! Nyasaye alabaha esinyasio muburima nende mwilekolie.

²⁴Olwa bateema okhwilukha okhurula khulukanga lwesibia, olusele lwomukasa lulabakoka hasi.

²⁵Tsisele tsilaswa nitsihanda mumibili chiabwe, amatsahi karaatsa okhurula khubutsunzu bwatsio obung'inang'inanga, ne okhutechela okhukali khuli mumioyo chiabwe.

²⁶Ebindu biosi ebiababiikha bionoonibwa; omul'lo okurabwanwa nomundu kubasamba, halala nabetsinyumba tsiabwe.

²⁷Likulu limanyianga tsimbi tsiabwe habulafu, esibala nasio sihananga obukobokheli bwokhubafukula.

²⁸Emikhula chiamaatsi kelirima lia Nyasaye, tsilakhuya emiandu chiabwe.

²⁹“Kuno nikwo omukabwa kwomubi okhurula khu Nyasaye obulaame obwa yakabul'lwa nende Nyasaye.”